Ձեր վստահելի աղբյուրը

Ֆրանսիայում մեկնարկած «Corsican Circuit 2016»  շախմատի հեղինակավոր մրցաշարում, որն այս տարի անցկացվում է 20-րդ անգամ, կայացել են 3-րդ տուրի հանդիպումները։ Մրցաշարն անցկացվում է երկու փուլով:

Ինչպես տեղեկացնում է armchess.am-ը, Հայաստանը ներկայացնող գրոսմայստեր Զավեն Անդրիասյանը ոչ ոքի է խաղացել, իսկ Ֆրանսիան ներկայացնող մեր հայրենակից Տիգրան Ղարամյանը հաղթանակ է տոնել։ Արդյունքում՝ նրանք ունեն 2․5-ական միավոր և զբաղեցնում են 5-6-րդ տեղերը։

3-րդ տուրից հետո մրցաշարային աղյուսակը գլխավորում են Ուկրաինան ներկայացնող Ալեքսանդր Մոիսեենկոն և Վլադիմիր Օնիշչուկը, ովքեր վաստակել են 3-ական միավոր:

Հիմնական մրցաշարում 1-12-րդ հորիզոնականները զբաղեցրած շախմատիստները կնվաճեն նոկաուտ համակարգով անցկաղվող մրցաշարի երկրորդ փուլի ուղեգրեր, այստեղ նրանց կմիանան աշխարհի նախկին չեմպիոն Վիշվանաթան Անանդը, Մաքսիմ Վաշիե-Լագրավը, Թեյմուր Ռաջաբովը և Հոու Յիֆանը:

Հիմնական մրցաշարին մասնակցում են 56 շախմատիստներ, որոնց թվում` 19 գրոսմայստեր, 18 միջազգային վարպետ և 7 ՖԻԴԵ-ի վարպետ: