Ձեր վստահելի աղբյուրը

«Լեստերի» և Անգլիայի ֆուտբոլի ազգային հավաքականի հարձակվող Ջեյմս Վարդին հայտնվել է «Ոսկե գնդակ-2016»-ի 30 հավակնորդների ցուցակում։

Հարկ է նշել, որ այս տարի 2009 թ.-ից հետո առաջին անգամ աշխարհի լավագույն ֆուտբոլիստի անունը կհրապարակի մրցանակի հիմնադիրը՝ «France Football»-ը։

Ավելին՝ «Ոսկե գնդակի» տիրակալին որոշելու պատիվը կրկին միայն լրագրողներին է վերապահված։

Հետաքրքիր է, որ 30 հավակնորդների շարքում տեղ է գտնվել նաև «Լեստերի» 29-ամյա ֆուտբոլիստի համար։ Անգլիայի նախորդ առաջնությունում նա անցկացրել է 36 խաղ, խփել 24 գոլ և կատարել 8 արդյունավետ փոխանցում։ Անգլիայի հավաքականի հարձակվողի գերազանց արդյունավետությունը շատ բանով նպաստեց, որպեսզի «Լեստերը» չեմպիոն հռչակվի։ Այս մասին տեղեկացնում է football.ua-ն։

Վարդին, ի դեպ, միակ անգլիացին է, ով 2012 թ.-ից հետո հայտնվում է հավակնորդների ընդլայնված ցուցակում։ Վերջին անգամ այդ պատվին արժանացել է «Մանչեսթեր Յունայթեդի» հարձակվող Ուեյն Ռունին, ով 2012 թ. զբաղեցրել է 15-րդ տեղը։

«Ոսկե գնդակը» ստացել են 4 անգլիացիներ՝ սըր Սթենլի Մեթյուզը՝ 1956 թ., սըր Բոբբի Չարլտոնը՝ 1966 թ., Քևին Քիգանը՝ 1978, 1979 թթ., Մայքլ Օուենը՝ 2001 թ.։

1. Սերխիո Ագուերո, «Մանչեսթեր Սիթի», Արգենտինա
2. Պիեռ-Էմերիկ Օբամեյանգ, «Բորուսիա», Դորտմունդ, Գաբոն
3. Գարետ Բեյլ, «Ռեալ», Ուելս
4. Ջանլուիջի Բուֆոն, «Յուվենթուս», Իտալիա
5. Քրիշտիանու Ռոնալդու, «Ռեալ», Պորտուգալիա
6. Քևին դե Բրեյնե, «Մանչեսթեր Սիթի», Բելգիա
7. Պաուլո Դիբալա, «Յուվենթուս», Արգենտինա
8. Դիեգո Գոդին, «Ատլետիկո», «Ուրուգվայ»
9. Անտուան Գրիզման, «Ատլետիկո», Ֆրանսիա
10. Գոնսալո Իգուաին, «Յուվենթուս», Արգենտինա
11. Կոկե, «Ատլետիկո», Իսպանիա
12. Ռոբերտ Լևանդովսկի, «Բավարիա», Լեհաստան
13. Անդրես Ինյեստա, «Բարսելոն», Իսպանիա
14. Զլատան Իբրահիմովիչ, «Մանչեսթեր Յունայթեդ», Շվեդիա
15. Տոնի Կրոոս, «Ռեալ», Գերմանիա
16. Ուգո Լյորիս, «Տոտենհեմ», Ֆրանսիա
17. Ռիյադ Մարեզ, «Լեստեր», Ալժիր
18. Լիոնել Մեսսի, «Բարսելոն», Արգենտինա
19. Լուկա Մոդրիչ, «Ռեալ», Խորվաթիա
20. Թոմաս Մյուլլեր, «Բավարիա», Գերմանիա
21. Մանուել Նոյեր, «Բավարիա», Գերմանիա
22. Նեյմար, «Բարսելոն», Բրազիլիա
23. Դիմիտրի Պայե, «Վեստ Հեմ», Ֆրանսիա
24. Պեպե, «Ռեալ», Պորտուգալիա
25. Պոլ Պոգբա, «Մանչեսթեր Յունայթեդ», Ֆրանսիա
26. Սերխիո Ռամոս, «Ռեալ», Իսպանիա
27. Ռուի Պատրիսիու, «Սպորտինգ», Լիսաբոն, Պորտուգալիա
28. Լուիս Սուարես, «Բարսելոն», Ուրուգվայ
29. Ջեյմի Վարդի, «Լեստեր», Անգլիա
30. Արթուրո Վիդալ, «Բավարիա», Չիլի