Ձեր վստահելի աղբյուրը

Շատ ավելի լավ է լինել սիրո, բարության, ներողամտության կրող, քան զոռբայության և նենգության կրող: Որտեղ կա սեր,  բարություն, ներողամտություն, ես այնտեղ եմ, որտեղ կա նենգություն, զոռբայություն, բիրտություն՝ ես դրան դեմ եմ,- Ազգային ժողովում լրագրողների հարցերին՝ Գագիկ Ծառուկյանի  հնարավոր վերադարձի և նրա՝ այսօրվա  արձագանքի մասին, ասաց ԱԺ փոխնախագահ Էդուարդ Շարմազանովը:

Շարունակելով իր խոսքը՝  նա նշեց. «Մենք, այո, թատրոնի, կրկեսի վերածելու հայրենիք չունենք, անցյալում են նենգության, չարության ժամանակները, հույս ունեմ՝  ներկան, ապագան կլինի սիրով և ներողամտությամբ»:

Նշենք, որ այսօր Գագիկ Ծառուկյանը լրագրողներին ասել էր. «Ինչքան մարդը հզոր ա, ուժեղ ա, բարի ա, այնքան կամեցող ա, ներող ա, որ ամբողջ քաղաքական հանրությունն էլ իմանա: Ծառուկյանը նենգ մարդ չի, բարի ա ու ներող ա: Ես բոլորին ներում եմ: Ես դրանք մոռացել եմ ու ներել»: