Ձեր վստահելի աղբյուրը

Համաշխարհային տնտեսական ֆորումը  հրապարակել է   Գենդերային ճեղքվածքի գլոբալ զեկույցը   (Global Gender Gap Report 2016 ):

Զեկույցում ներկայացված արդյունքների համաձայն,  144  երկրների թվում Հայաստանը զբաղեցնում է 102–րդ  տեղը: Նախորդ տարվա համեմատ այն երեք հորիզոնականով բարելավել է դիրքերը:

Զեկույցում ներկայացված Գենդերային ճեղքվածքի ցուցանիշը փորձում է քայլեր ձեռնարկել բարելավելու  գենդերային ճեղքվածքի ցուցանիշը չորս կարևոր ոլորտներում՝  առողջապահություն, կրթություն, տնտեսություն և քաղաքականություն:

Gender Gap Index-ը   ներկայացնում է, թե ինչպես է օգտագործվում   կանանց ներուժը տվյալ երկրի  զարգացման գործում,  ցույց է տալիս  գենդերային հավասարության և երկրի մրցունակության միջև կապը:

Այսպիսով, Հայաստանի կրթության ոլորտում կանայք ավելի շատ են ներկայացված, ինչը Հայաստանի համար ապահովում է 27-րդ հորիզոնականը: Տնտեսության ոլորտում գենդերային հավասարության ցուցանիշով 65-ում է, առողջապահության ոլորտում՝ 143-րդ, քաղաքականության ոլորտում՝ 125:

Ցուցակի առաջին տասնյակում են Իսլանդիան, Ֆինլանդիան, Նորվեգիան, Շվեդիան, Ռուանդան, Իռլանդիան, Ֆիլիպինները, Սլովենիան, Նոր Զելանդիան, Նիկարագուան: