Ձեր վստահելի աղբյուրը

«Ցանկացած ոլորտում մենք պետք է ունենանք այլընտրանքներ »,- Ազգային ժողովում ճեպազրույցների ժամանակ ասաց «Ժառանգություն» խնբակցության անդամ Զարուհի Փոստանջյանը:

Ըստ նրա, պետք է գտնել այլընտրանքային էներգիայի աղբյուրներ:

«Մենք ունենք բնապահապաան խնդիրներ, իհարկե, այս առումով Ատոմակայանը էներգիա ստանալու լավագույն տարբերակը չէ: Մենք պետք է գտնենք այլընտրանքային էներգիայի աղբյուրներ: Մեր գիտական միտքը  թույլ է տալիս արևային էներգիայի վերաբերյալ: Կա մեր գիտնականների կողմից մշակված ծրագիր»,- ասաց պատգամավորը:

Զ.Փոստանջյանի խոսքով՝ ինչպես ամբողջ աշխարհում, Հայաստանն էլ պետք է գնա այնպիսի ուղղությամբ, որ ստանա այլընտրանքային էներգիայի աղբյուրներ: Միաժամանակ նա նշեց, որ Ատոմակայանը ռազմավարական մեծ նշանակություն ունի: 

«Հենց այնպես չէ, որ այսօր Ռուսաստանը ցանկանում է օգնել Թուրքիային, որպեսզի նա  կառուցի իր ատոմակայանը: Իհարկե, այստեղ դեմ պետք է լինենք ու սուվերեն քաղաքականությունը բանեցնենք, որպեսզի Ռուսաստանը, եթե  իրապես մեր դաշնակիցն է, դա պետք է թույլ չտա: Բայց, միաժամանակ, այստեղ մենք լռում ենք»,- ասաց պատգամավորը: