Ձեր վստահելի աղբյուրը

Բուժծառայությունների գների փոփոխություն չի նախատեսվում, բուժանձնակազմի կրճատումներ ևս չեն լինի: Վանաձորում լրագրողների հետ  հետ զրույցում հայտարարեց առողջապահության նախարար Լևոն Ալթունյանը:

Հիշեցնենք՝ կառավարության որոշմամբ, միավորվել են Վանաձորի թիվ 1 և թիվ 2 հիվանդանոցային համալիրները՝ հիմնելով «Վանաձորի բժշկական կենտրոն» ՓԲԸ-ն:

«Ճիշտ է՝ հիվանադանոցային երկու համալիրների միավորումից հետո 30 մահաճակալ պակասել է, հիվանդանոցն ունենալու է 190 մահճակալ,  սակայն նոր հիվանդանոցն արդիականացված է, ունենալու է ժամակակից բժշկական կենտրոնին  համապատասխանող բոլոր ենթակառուցվածքները»,-ասել է նախարարը:

Կադրերի մասին հարցին ի պատասխան, ոլորտի պատասխանատուն նշել է, որ մասնագիտական ներուժը կապահովվի դեպի մարզ նեղ մասնագետների հոսքով, իսկ տեղացի  մասնագետներն էլ կվերապատրաստվեն՝  ըստ մատակարարվելիք տեխնիկայի:

Նոր բժշակական կենտրոնը կազմված է 3270 քմ ծննդատան և շուրջ 11 880 քմ հիմնական մասնաշենքերից: Կենտրոնի սաքավորումներով ու կահույքով հագեցման աշխատանքներն իրականացվում են «Տաշիր» բարեգործական հիմնադրամի կողմից:

Հիվանդանոցի շինարարական աշխատանքները մեկնարկել էին  2013-ի նոյեմբերից: Ներկայում ավարտված են արտաքին երեսպատման, տանիքի կառուցման, էլեկտրամատակարարման ցանցերի մոնտաժման աշխատանքները: Այս պահին իրականացվում են ներքին հարդարման աշխատաքները:

Վանաձորի ԲԿ-ում նախատեսվում է իրականացնել մոտ 6.6 մլրդ դրամի ներդրում: