Ձեր վստահելի աղբյուրը

ՀՀ տղամարդկանց շախմատի առաջնության առաջին խմբի մրցաշարում տեղի են ունեցել 7-րդ տուրի պարտիաները: Մրցաշարում 6-րդ անընդմեջ հաղթանակն է տոնել Հայկ Մարտիրոսյանը. այս տուրում նրա մրցակիցն էր Շանթ Սարգսյանը: 7-րդ տուրում կարևոր հաղթանակ է տոնել Տիգրան Հարությունյանը, ում մրցակիցն էր երկրորդ հորիզոնականում ընթացող Հովիկ Հայրապետյանը։ Այս հաղթանակի շնորհիվ Հարությունյանը միավորներով հավասարվել է Հայրապետյանին, իսկ ավելի բարձր լրացուցիչ ցուցանիշների շնորհիվ շրջանցեց նրան և այժմ հենց ինքն է ընթանում 2-րդ հորիզոնականում: Այս մասին հայտնում է chessfed.am-ը։

7-րդ տուրում առաջին հաղթանակը տոնեց Կարեն Հովհաննիսյանը: Այս տուրում հաղթանակներ գրանցեցին նաև Դավիթ Շահինյանն ու Լևոն Բաբուջյանը:

Մրցաշարային աղյուսակը 7-րդ տուրից հետո
1. Մարտիրոսյան Հայկ – 6.5
2. Հարությունյան Տիգրան – 5
3. Հայրապետյան Հովիկ – 5
4. Պետրոսյան Մանուէլ – 4
5. Թորոսյան Նորայր – 4
6. Շահինյան Դավիթ – 3.5
7. Հակոբյան Արամ – 3.5
8. Եզիազարյան Արմենակ – 3
9. Միքայելյան Արման – 3
10. Քալաշյան Դավիթ – 3
11. Բակունց Ռաֆայել – 2.5
12. Բաբուջյան Լևոն – 2.5
13. Սարգսյան Շանթ – 2.5
14. Հովհաննիսյան Կարեն – 1

Այսօր մրցաշարում հանգստյան օր է: 8-րդ տուրի պարտիաները տեղի կունենան նոյեմբերի 1-ին: