Ձեր վստահելի աղբյուրը

Բյուջեի նախագծում մենք ծախսերի երեք գերկայություն ենք նշել: ԱԺ-ում հայտարարեց ֆինանսերի նախարար Վարդան Արամյանը՝ օրենսդիր մարմնի անդամներին ներկայացնելով բյուջեի ծախսերի կառուցվածքը և ծախսային քաղաքականությունը:

«Սոցիալական ոլորտին տրվող ծասերը պետք է պահանեք մեր պահանջներին և մեր ստանձնած պարտավորություններին համահունչ»,-ասաց Արամյանը:

Տնտեսական ցուցանիշների վատացման համատեքստում, նախարարի խոսքով, անելու են ամեն ինչ, որպեսզի սոցիալապես խոցելի խմբերի համար անել ամեն ինչ՝ մեղմելու լարվածությունը: 2017-ին ոլորտին հատկացվելու է 649 մլրդ 417 մլն դրամ, ընդհանուր ծախսերի մեջ 47.7 տոկոսը՝ նախորդ տարվա 47.1 տոկոսի փոխարեն:

Առողջապահության, կրթության, սոցիալական ապահովության, մշակույթի ոլորտներին տրամադրվող հատկացումների գերակշիռ մասը բաժին է ընկնում սոցիալական պաշտպանությանը՝ 408 մլրդ դրամ կամ ոլորտի ծախսերի 30.8 տոկոսը: Նախորդ տարվա համեմատ այս ոլոտի ծախսերն ավելացել են 3.8 մլրդ դրամով:

Արամյանն ասաց պահպանվելու է նաև 151 հազար քաղաքացու տրամադրվող սոցիալական փաթեթները:
Առողջապահության ոլորտին կհատկացվի 85.7 մլրդ դրամի ֆինանսավորում, ընդհանուր ծախսերի տեսակարար կշիռը 6.3 տոկոս:

«Երկրորդ գերակայությունը մեր արտաքին անվտանգությունն է ու հասարակական կարգի պահպանությունը: Կարծում եմ, սրա մասին խոսելու կարիք այդքան էլ չկա, քանի որ գիտենք, որ պատերազմող երկիր ենք: Դրա համար մենք նույնսիկ մի փոքր ավելացում ենք կանախատեսել»,-ասաց նախարարը:

Ծախսերի երրորդ գերակայությունը ծրագրերի շարունակականության ապահովումն է: