Ձեր վստահելի աղբյուրը

«Բոտուլիզմի դեպքից երեք տուժածների հոգու վիճակը բավարար է»,-այսօր լրագրողների հետ հանդիպմանն հայտնեց ՀՀ առողջապահության նախարարության առողջապահական պետական տեսչության հիգիենայի բաժնի պետ Մարգարիտա Բաբայանը՝ նշելով, որ թունավորումը եղել էր տնային պայմաններում պատրաստված ծիծակի պահածոյից:

Հիշեցնենք, որ հոկտեմբերի 31-ին Երևանում արձանագրվել է բոտուլիզմի դեպք` 4 տուժածով, որից մեկը մահվան ելքով:

Մասնագետը տեղեկացրեց, որ այս տարի Հայաստանում նվազել են սննդային թունավորման դեպքերը. «2016 թվականին արձանագրվել է սննդային թունավորման 6 դեպք` 15 տուժածով, որից երկուսը՝ մահվան ելքով, իսկ 2015-ին արձանագրվել է 15 դեպք` 26 տուժածով»:

Մարգարիտա Բաբայանի խոսքով՝ թունավորման դեպքերի նվազումը կապված է հանրային իրազեկման հետ:

«Բոտուլիզմով ախտահարված սննդամթերքը չի փոխում իր համը, հոտը, գույնը և տեսքը, այդ իսկ պատճառով հնարավոր չէ վարակված պահածոն տարբերել անﬖաս ﬓացածից:

Տնային պայմաններում պատրաստված պահածոներն օգտագործելուց առաջ պետք է ենթարկել ջերմային մշակման` պահածոյի պարունակությունը եռացնելով 20-25 րոպե: Անվտանգ են ﬕայն թթու դրած պահածոներն ու մուրաբաները»,-հիշեցրեց առողջապահական պետական տեսչության հիգիենայի բաժնի պետը:

Մարգարիտա Բաբայանը խորհուրդ տվեց բոտուլիզﬕց խուսափելու համար չգնել տնային պայմաններում պատրաստված պահածոներ շուկայից կամ պատահական անհատներից, իսկ առաջին ախտանշաններն ի հայտ գալուն պես անﬕջապես դիﬔլ բժշկի:

Բոտուլիզմը սննդային ծանր թունավորում է, որի հարուցիչը Clostridium botulinum-ն է:  Հիվանդության հարուցիչը գտնվում է արտաքին միջավայրում` հողի մեջ սպորների ձևով, որտեղից էլ անցնում է բանջարեղենի, կանաչեղենի վրա: Նշված հարուցչի աճի և զարգացման համար անհրաժեշտ են անօդ պայմաններ, որտեղ բազմանում են և արտադրում թույն: Նման պայմաններ ստեղծվում են կափարիչներով հերմետիկ փակված պահածոներում: Հարուցչի ոչնչացումը կատարվում է միայն հատուկ սարքերում` ավտոկլավներում բարձր ճնշման (1.5-2 մթնոլորտ) և ջերմության (1200-1300C) ազդեցության տակ, որոնք առկա են միայն պահածո արտադրող կազմակերպություններում, իսկ տնային պայմաններում հնարավոր չէ իրականացնել: