Ձեր վստահելի աղբյուրը

«Ոչ արագաչափերի  թեման, ոչ կարմիր գծերի թեման նոր չէ, վերջին երեք տարում անընդհատ այդ թեման բարձրացվել է, բայց վերջնական իր հանգուցալուծումը չի ստացել»,-լրագրողների հետ հանդիպմանն այս մասին նշեց «Հանրապետական» խմբակցության անդամ Սուքիաս Ավետիսյանը:

Նրա խոսքով՝ հիմա նախագահն արդեն հստակ հանձնարարականներ է տվել և կառավարությունը, Երևանի քաղաքապետարանն ու ոստիկանությունը զբաղված են արդեն այդ խնդիրներով:

«Մի կողմից ասում են բիզնես դրեք, մյուս կողմից վերցնում եք դա: Սա պետք է լինի հստակ:»,-ասաց Ավետիսյանը:

Հանդիպմանը ներկա ԲՀԿ-ական պատգամավոր Լյովա Խաչատրյանը նշեց, որ միայն մեծ ցանկության դեպքում դա կարելի է համարել բիզնես. «Դա  ուղղակի ռեկետ էր, դա բիզնես չէր, դա փող աշխատելու տեղ էր: Շատ երկրներում էլ կան նման ծառայություններ, բայց դրանից գոյացած գումարը գնում է պետական, ճանապարհային ֆոնդ։ Մեզ մոտ դա չկար՝ ուղղակի մարդկանց գրպանն էր մտնում»:

Նա դրական գնահատական տվեց ճանապարհային երթևեկության կանոնների նկատմամբ վերահսկողական համակարգերի և վճարովի ավտոկայանատեղերի կազմակերպմանն ուղղված փոփոխություններին:

Պատգամավորների դիտարկումները հանձնարարականի մասին առավել մասնրամասն՝ տեսանյությում: