Ձեր վստահելի աղբյուրը

«Մեր տղաների կյանքն ու մահը սովորական չէին, այլ հերոսական, ոսկե տառերով պետք է գրվեն հայոց պամության էջերում»,-  ՀՀԿ կանանց խորհրդի համաժողովում ունեցած ելույթում ասաց ապրիլյան պատերազմի հերոս Ադամ Սահակյանի մայրը՝ Գայանե Սահակյանը:

Նրա խոսքով՝ հիմա  ավելի քան երբևէ բոլորը հասկանում են, որ տղաները մեծ աշխարհաքաղաքական աղետ են կանխել՝ խափանելով թշնամու ծրագրերը:

«Վիշտը մեծ է իմ և հայրենիքի համար նահատակված մյուս զինվորների ծնողների համար, բայց կա մի անսահման հպարտություն, որ իմ որդի սերժանտ Ադամ Սահակյանը 2016 թվականի ապրիլի 1 լույս 2-ի գիշերը, գտվելով Ջաբրայիլի 112 մարտական դիրքում և լիելով այդ դիրքի ավագը, գլխավորել է մարտը և մոտ 4-5 ժամ պահել է դիրքը,  իր ջոկատով ետ մղել թշնամուն՝  հասցելով նրան զգալի կորուստներ, պայքարելով  արյան մինչև վերջին կաթիլը՝ ընկել են հերոսի մահով: Կրկին ու կրկին ուզում եմ ասել՝ փառք ու պատիվ բոլոր նրանց, ովքեր ընկել են հայոց հողը պաշտպանելու համար»,- նշեց տիկին Գայանեն: