Ձեր վստահելի աղբյուրը

ՀՀ տրանսպորտի, կապի և տեղեկատվական տեխնոլոգիաների նախարարությանը  2017 թվականի պետական բյուջեի նախագծով նախատեսվում է  հատկացնել 49 մլրդ 806.9 մլն դրամ` 2016 թ. 57,780.6 մլն դրամի դիմաց: Այս մասին այսօր Ազգային ժողովում 2017 թվականի պետական բյուջեի նախագծի քննարկման ժամանակ ասաց ՀՀ ֆինանսների նախարարի առաջին տեղակալ Ատոմ Ջանջուղազյանը՝  հավելելով, որ ծախսերի նվազումը 2016 թ. պետական բյուջեի համապատասխան ցուցանիշի նկատմամբ կազմում է 7,973.7 մլն դրամ կամ 13.8 տոկոս:

Փոխնախարարի խոսքերով՝  հաջորդ տարի «Միջպետական և հանրապետական նշանակության ավտոճանապարհների ձմեռային պահպանում, ընթացիկ պահպանում և շահագործում»  ծրագրի համար նախատեսվում է 7,449.5 մլն դրամ` 2016 թ. 6,256.7 մլն դրամի դիմաց:

«Մարզային նշանակության ավտոճանապարհների ձմեռային պահպանում, ընթացիկ պահպանում և շահագործում»  ծրագրով նախատեսվում է  հատկացնել 999.8 մլն դրամ` 2016 թ. 837.9 մլն դրամի դիմաց:

Ինչ վերաբերում է Մետրոպոլիտենին, ապա «Երևանի մետրոպոլիտենի աշխատանքների կազմակերպման բնագավառում պետության կողմից համայնքի ղեկավարին պատվիրակված լիազորությունների իրականացման ֆինանսավորում» ծրագրով մետրոպոլիտենով ուղևորափոխադրումների սպասարկման որակի բարելավման և երթևեկության անվտանգության ապահովման նպատակով 2017 թ. նախատեսվում է հատկացնել 2,703.5 մլն դրամ:

«Պետական աջակցություն Երևան քաղաքի փողոցների ընթացիկ նորոգման և ճաքալցման աշխատանքների իրականացման համար» և «Պետական աջակցություն Երևան քաղաքի արտաքին լուսավորության ցանցի շահագործման և պահպանման աշխատանքների իրականացման համար» ծրագրերի գծով 2017 թ. նախատեսվում է համապատասխանաբար 3,284.0 մլն դրամ` 2016 թ. հաստատված գումարների չափով և 2,272.0 մլն դրամ` 2016 թ. 2,361.0 մլն դրամի դիմաց:

Անդրադառնալով պետական նշանակության ճանապարհների հիմնանորոգմանը, ապա, ըստ Ատոմ Ջանջուղազյանի, «Պետական նշանակության ավտոճանապարհների հիմնանորոգում» ծրագրի իրականացման համար 2017 թ. պետական բյուջեով նախատեսվում է հատկացնել 4,160.0 մլն դրամ` 2016 թ. 3,060.0 մլն դրամի դիմաց:

«Տրանսպորտային օբյեկտների հիմնանորոգում» ծրագրի իրականացման համար էլ հաջորդ տարի կհատկացվի 840.0 մլն դրամ` 2016 թ. 940.0 մլն դրամի դիմաց:

Միաժամանակ տրանսպորտի ոլորտում նախատեսվում են շարունակել և իրականացնել արտաքին աղբյուրներից ստացվող նպատակային վարկային և դրամաշնորհային միջոցներով 24 ծրագրեր:

Մասնավորապես, Համաշխարհային բանկի աջակցությամբ իրականացվող Կենսական նշանակության ճանապարհացանցի լրացուցիչ ծրագրով նախատեսված աշխատանքների իրականացման նպատակով 2017թ. ծրագրված է հատկացնել  2,189.1 մլն. դրամ, այդ թվում՝ վարկային միջոցներ` 1,837.1 մլն. դրամ, համաֆինանսավորում` 352.0 մլն. դրամ:

Ասիական զարգացման բանկի աջակցությամբ իրականացվող Մ6 Վանաձոր- Ալավերդի-Վրաստանի սահման միջպետական նշանակության ճանապարհի վերականգնման և բարելավման ծրագրով նախատեսված աշխատանքների իրականացման նպատակով 2017թ-ին ծրագրված է հատկացնել 941.2 մլն. դրամ, այդ թվում վարկային միջոցներ` 812.0 մլն. դրամ, համաֆինանսավորում` 129.2 մլն. դրամ:

Ինչ վերաբերում է Ասիական զարգացման բանկի աջակցությամբ իրականացվող Հյուսիս-հարավ միջպետական ճանապարհի վերանորոգմանը, ապա, ըստ Ատոմ Ջանջուզաղյանի, Հյուսիս-հարավ տրանսպորտային միջանցքի զարգացման ծրագրի տրանշ 2-ի աշխատանքների իրականացման նպատակով 2017թ. ծրագրված է հատկացնել 2,401.1 մլն. դրամ, այդ թվում վարկային միջոցներ` 2,028.6 մլն. դրամ, համաֆինանսավորում` 372,5 մլն. դրամ:

Եվրոպական ներդրումային բանկի աջակցությամբ իրականացվող Հյուսիս-հարավ տրանսպորտային միջանցքի զարգացման ծրագրով (Տրանշ 3) նախատեսված աշխատանքների իրականացման նպատակով 2017թ. ծրագրված է 968.4 մլն. դրամ, այդ թվում վարկային միջոցներ` 807.0 մլն. դրամ, համաֆինանսավորում` 161.4 մլն. դրամ:

Ասիական զարգացման բանկի աջակցությամբ իրականացվող Հյուսիս-հարավ տրանսպորտային միջանցքի զարգացման ծրագրով (Տրանշ 3) 22 նախատեսված աշխատանքների իրականացման նպատակով 2017թ. ծրագրված է 1,353.8 մլն. դրամ, այդ թվում վարկային միջոցներ` 1,154.4 մլն. դրամ, համաֆինանսավորում` 199.4 մլն. դրամ:

Իսկ Եվրոպական ներդրումային բանկի աջակցությամբ իրականացվող Հյուսիս-հարավ տրանսպորտային միջանցքի զարգացման դրամաշնորհային ծրագրով (Տրանշ 3) նախատեսված աշխատանքների իրականացման նպատակով 2017թ. ծրագրված է 1,139.3 մլն. դրամ, այդ թվում դրամաշնորհային միջոցներ` 949.4 մլն. դրամ, համաֆինանսավորում` 189.9 մլն. դրամ: