Ձեր վստահելի աղբյուրը

ԱՄՆ նախագահ Բարաք Օբաման հայտարարել է, որ վաղաժամ կատարել է երկրի հաջորդ ղեկավարի ընտրությունը՝ իր ձայնը տալով Հիլարի Քլինթոնին:

«Ես քվեարկել եմ Հիլարի Քլինթոնի օգտին, որովհետև վստահ եմ, եթե նա դառնա նախագահ, մեր երկիրը կլինի լավ ձեռքերում: Ես ճանաչում եմ Քլինթոնին, նա իր կյանքը նվիրել է`մեր երկիրն ավելի լավը դարձնելուն»,-ասել է Օբաման Միչիգանում հանրահավաքի ժամանակ:

Գործող նախագահը քաղաքացիներին կոչ է արել չխաբնվել Թրամփի հռետորաբանությանը: Նա հայտարարել է, որ քաղաքացիները պետք է ընտրություն կատարեն բաժանման քաղաքականության ու այնպիսի քաղաքականության միջև, որը ԱՄՆ-ն կդարձնի ավելի ուժեղ: Բացի այդ, ամերիկացիները հնարավորություն ունեն ընտրելու առաջին կին նախագահին:

Նյու Հեմփշիր նախանգի Դիքսվիլ Նոչ փոքր քաղաքում առաջինը բացված ընտրատեղամասում հաղթանակ է տոնել Քլինթոնը: «Տասս»-ի փոխանցմամբ,  1960 թվականից ի վեր այս քաղաքի բնակիչները առաջինը քվեարկելու իրավունք ունեն, մյուս ընտրտեղամասերը բացվելուց մի քանի ժամ առաջ: Հայտարարված արդյունքների համաձայն, 8-ից չորսը քվեարկել են  Քլինթոնի օգտին, երկուսը՝ Թրամփի:

Հիշեցնենք, որ ԱՄՆ նախագահի ընտրությունների անցկացման համար ստեղծվել են 200.000 ընտրական տեղամասեր:

«Ռոյթերզ»-ի փոխանցմամբ, ընտրություններից առաջ անցկացված վերջին հարցումների արդյունքների համաձայն, Քլինթոնը 90 տոկոս հավանականությամբ հաղթելու է: