Ձեր վստահելի աղբյուրը

«Ատլետիկոյի» իսպանացի կիսապաշտպան Գաբին խոսել է Պրիմերայի 12-րդ տուրում «Ռեալի» հետ կայանալիք հանդիպման մասին։ Գաբին կարծում է, որ «Ատլետիկոն» այժմ չի ցուցադրում իր լավագույն ֆուտբոլը։ Բացի այդ, կիսապաշտպանը հայտարարել է, որ իր թիմը պետք է ավելացնի խաղային բաղադրիչներում, եթե ուզում է հաղթել «Ռեալին»։

«Ներկա պահին «Ատլետիկոն» ոչ հեշտ ժամանակաշրջան է ապրում, քանզի մեր թիմը ձգտում է հաղթել, սակայն բավարար չափով լավ չենք խաղում։

«Ռեալի» հետ խաղը չափազանց կարևոր է մեզ համար։ Ոչ մի դեպքում իրավունք չունենք թույլատրել «Ռեալին»՝ պոկվելու մեզանից մրցաշարային աղյուսակում։ Պետք է ավելացնենք, եթե ուզում ենք հաղթել։

Անհրաժեշտ է վերադառնալ այն խաղին, երբ մենք քիչ էինք բաց թողնում ու հուսալի գործում պաշտպանությունում։ Պարտությունները միշտ տհաճ են, հատկապես երբ դրանց պատճառով թիմը նահանջում է մրցաշարային աղյուսակում։ Ուզում ենք լինել լավագույն թիմը, ուստի պետք է ավելացնենք»,- Գաբիի խոսքերը մեջբերել է isport.ua-ն։

Ավելացնենք, որ «Ատլետիկոն» այժմ զբաղեցնում է Իսպանիայի առաջնության մրցաշարային աղյուսակի 4-րդ հորիզոնականը՝ առաջին տեղում ընթացող «Ռեալին» զիջելով 6 միավորով։

«Ատլետիկոյի» ու «Ռեալի» միջև Իսպանիայի առաջնության 12-րդ տուրի հանդիպումը կկայանա նոյեմբերի 19-ին, «Վիսենտե Կալդերոն» մարզադաշտում։