Ձեր վստահելի աղբյուրը

Այն փաստը, որ Հայաստանն անդամակցում է այն երկրներին, որոնք քայլ առ քայլ ավելի կարևոր գործակցություն են ունենում Եվրոպայի հետ, ինչպես նաև մեր՝ իտալացիների համար այն փաստը, որ Հայաստանը Եվրասիական միության մաս է կազմում, ավելի շահագրգիռ ենք, որ նոր տնտեսական հարաբերություններ ստեղծենք: Սա շատ դրական է,- Երևանում  ՀՀ ԱԳ նախարար Էդվարդ Նալբանդյանի հետ համատեղ ասուլիսում ասաց Իտալիայի արտաքին գործերի և միջազգային համագործակցության նախարար Պաոլո Ջենտիլոնին:

Պատասխանելով հարցին, թե Հայաստանը ԵՄ իր համագործակցության առաջնահերթություններից է համարում կառույցի անդամ երկրների հետ մուտքի արտոնգարային ռեժիմի ազատականացման հարցը, ե՞րբ կարելի է  ակնկալել այս հարցի շուրջ բանակցությունների մեկնարկը,  Պաոլո Ջենտիլոնին նշեց, որ չի կարող ասել, թե  ԵՄ-ն ինչպիսի դիրքորոշում ունի,  բայց կարող է ասել Իտալիայի դիրքորոշումը. «Իտալիայի դիրքորոշումն ընդհանուր առմամբ դրական է, որպեսզի ազատականացվի այս երկրի հետ վիզային ռեժիմը»: 

Նա նաև նշեց, որ հայկական կառավարությունը և ԵՄ-ն հանձն են առել մի քանի փուլով կատարել խորհրդաժողովները, նաև ԵՄ արտաքին հարցերով  հանձնակատար Ֆեդերիկա Մոգերինին է  այս ուղղությամբ աշխատում: