Ձեր վստահելի աղբյուրը

ԲՀԿ-ական պատգամավոր Բազմասեր Առաքելյանն իր ելույթում օրենսդիր մարմնի ներկայացուցիչներին հորդորեց կողմ քվեարկել քննարկվող օրինագծին:

«Ես կարծում եմ, որ այս օրենքը անհրաժեշտ էր: Ինչ վերաբերում է ազգային անվտանգությանը, պաշտպանությանը, նահատակված ու հաշմանդամ զինվորներին, ես պատրաստ եմ ցանկացած օրենքի նախագծին աջակցել և կողմ քվեարկել, եթե անգամ դա կպնում է իմ ընտանեկան բյուջեին ու ընտանեկան զամբյուղ ասածին»,-ասաց պատգամավորը:

Բազմասեր Առաքելյանի խոսքով, ապրիլյան պատերազմի օրերին ինքը եղել է առաջնգծում, հստակ գիտակցում է, թե ինչ է նշանակում պատերազմ, թե ինչ է նշանակում հայրենիքի համար  նահատակված զինվոր, սպա:

«Եկեք չմոռանանք, որ մենք պատերազմող երկիր ենք: Չգիտենք, թե դա այս պատերազմը ինչքան կշարունակվի: Տա աստված, որ պատերազմը շուտ ավարտվի, որ նման օրենքներ քննարկելու  ու քվեարկելու կարիք չլինի»,-ասաց նա:

Հիշեցնենք, որ առաջին ընթերցմամբ խորհրդարանի քննարկմանն է ներկայացվել «ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին», «Զինծառայողների և նրանց ընտանիքների անդամների սոցիալական ապահովության մասին» ՀՀ օրենքում լրացումներ և փոփոխություն կատարելու մասին» և «Պետական կենսաթոշակների մասին» ՀՀ օրենքում լրացումներ կատարելու մասին» օրենսդրական նախաձեռնությունը:

Պատգամավորի ելույթը՝ տեսանյութում: