«Մենք բավարար հրապարակային չենք գործել». Արթուր Աղաբեկյանը՝ «Մարտիկ» հիմնադրամի մասին
Արցախի փոխվարչապետ Արթուր Աղաբեկյանը, «Երկրի հարցը» հաղորդման տաղավարում անդրադառնալով իր ղեկավարած «Մարտիկ» հիմնադրամի՝ ոչ թափանցիկ գործելու վերաբերյալ հնչող մեղադրանքներին, նշել է, որ իրենք ծախսերը հրապարակում են արդարադատության նախարարության պահանջներին համապատասխան. «Ճիշտն ասած մենք մի հատ փոքր բաց ունենք։ Մենք բավարար հրապարակային չենք գործել, չենք փորձել ինտերնետային էջում տեղադրել այն ծրագրերը, որը մենք իրականացրել ենք, ունեցել ենք դրա հնարավորությունը, բայց, ցավոք, դա չենք արել։ Մարդիկ ավելի տեղեկացված կլինեին, բայց մենք տնօրենի հետ զրույց ենք ունեցել շուտով պետք է հիմնադրամի տնօրենը նախաձեռնի, որպեսզի այն ծրագրերը, որ մենք իրականացրել ենք նախորդ տարիներին, տեղադրենք ինտերնետային էջում»:
Արցախի փոխվարչապետը տեղեկացրել է, որ հիմնադրամի հաշվեհամարին այս պահին 1 միլիոն 200 հազար դոլար մայր գումար կա, որը, համաձայն կանոնադրության, հիմնադրամի ղեկավարությունն օգտագործել չի կարող:
«Դա չեմ կարող ծախսել ոչ ես, ոչ էլ որևէ ամենաուժեղ պաշտոնյան մեր երկրում, կամ ամենաուժեղ մարդը։ Այդ գումարը ծախսելու համար պետք է համաձայնություն լինի պաշտպանության նախարարի, ՀՀ կաթողիկոսի, երկրի նախագահի և հիմնադրամի նախագահի համաձայնություն։ Կանոնադրության մեջ դա հստակ գրված է և դրան հաջորդող կետում գրված է, որ կանոնադրության այս կետը հետագայում փոփոխության ենթակա չէ։ Այսինքն՝ չի կարող հետագայում հիմնադրամի որևէ նախագահ, հոգաբարձուների կողմից կլինի ընտրված կամ հիմնադիր, նախաձեռնություն անի գնա արդարադատության նախարարություն ու կանոնադրություն փոխի, որ իրավունք ստանա մայր գումարը ծախսելու»,-ասել է Աղաբեկյանը։
Հաղորդավարի դիտարկմանը, թե 2015-ից ստացված տոկոսը մոտ 49 միլիոն դրամ է, սա ծախսվե՞լ է, թե՞ դեռ նոր պետք է ծախսվի, Արթուր Աղաբեկյանն արձագանքել է. «Հիմա կոնկրետ թվեր չունեմ իմ ձեռքի տակ, մենք ունենք տարբեր ժամանակներում ստացած տոկոսներ, չծախսված տոկոսներ և մենք արդեն որոշում ենք, որ տոկոսների այսքան մասը տեղադրենք որպես մայր գումար։ Մենք պետք է նայենք ծախսերի մեջ, որ տեսնենք տվյալ տարում մենք ինչքան գումար ենք ծախսել։ Տվյալ տարում ինչքան գումար ծախսվել են, ծախսվել են միայն տոկոսները, ուրիշ ոչ մի գումար։ Կարող է մի տարում ծախսենք 50 միլիոն, մի տարի ծախսենք 10 միլիոն, նայած մենք ինչ ծրագիր ենք իրականացնում։ Նայած ինչ ուղղությամբ է որոշում կայացվում այդ գումարները ծախսել»:
Հարցին՝ թե ի՞նչ ծրագրերն են իրականացվել հիմնադրամի միջոցներով, Աղաբեկյանը պատասխանել է. ««Մարտիկ» հիմնադրամի գումարները 2007, 2008, 2009 թվականները, մենք ծախսել ենք ռազմական կրթության համար։ Ինչը մեր կանոնադրային նպատակներից մեկն է։ Հետագա մեկ, երկու տարիներին մենք համարյա թե գումար չենք ծախսել։ Չհաշված երկու հաշվապահի, տնօրենի աշխատավարձերը։ Մոտ 107 հազար դրամ աշխատավարձ։ 2008-2009 թթ-ից սկսած մենք սկսել ենք ծրագրեր իրականացնել կախված ռազմական գործողությունների ժամանակ վիրավոր, զոհված ազատամարտիկների աջակցության ծրագրեր։ 2012 թվականից մենք իրականացրել ենք ռազմակրթական ծրագրեր Արցախում, մենք ռազմական ինստրուկտորներ ենք ընդունել աշխատանքի, որպեսզի մենք կարողանանք հրաձգության ֆեդերացիային աջակցենք, որպեսզի մատաղ սերնդին 2013-2014 թթ-ին մենք բավականին մեծ ծրագիր ենք իրականացրել»։
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
