Ձեր վստահելի աղբյուրը

«Հավելյալ հարկեր պետք է սահմանել այն սեփականատերերի համար, ովքեր անավարտ շինությունները երկար ժամանակ ավարտին չեն հասցնում»,-այսօր լրագրողների հետ հանդիպմանը հայտարարեց Հայաստանի ճարտարապետների ﬕության նախագահ Մկրտիչ Մինասյանը:

Նրա խոսքով՝ ամբողջ աշխարհում է ընդունված, որ սեփականատերերը, որոնք որպես պարտավորություն իրենց վրա են վերցրել սեփականացված շենքի հետ անել այս կամ այն գործողությունը անել, բայց չեն արել՝   անպայման  հատուցեն դրա համար:

Նշվեց, որ Երևանում և այլ քաղաքներում բազմաթիվ են անավարտ, կիսակառույց շենքերը, որոնք երկար տարիներ ավարտին չեն հասցվում.

Ներկայացնելով շինարարության և ճարտարապետության ոլորտի բարեփոխուﬓերին ուղղված առաջարկությունների փաթեթը՝ Մ. Մինասյանն ասաց, որ անհրաժեշտ է ճարտարապետների հավատարմագրման գործընթաց իրականացնել, ինչը  հնարավորություն կտա ընդհանուր պատկերացում կազﬔլ ոլորտում առկա ճարտարապետների աշխատանքի որակի մասին. «Մենք չգիտենք, թե ոլորտում քանի ճարտարապետ կա, նրանց  վարկանիշի մասին պատկերացում չունենք: Երբ դրսից ներդրող է գալիս ու ցանկանում է իմանալ, թե ում հանձնարարի այս կամ այն գործը կամ ինչպիսի ռեյտինգ ունեցող ճարտարապետների շրջանում մրցույթ անցկացնի, չգիտի ինչպես ուղղորդվի: Դրա համար պետք է ճարտարապետներն անցնեն հավատարմագրման գործընթաց»:

ճարտարապետների ﬕության նախագահը ավելացրեց, որ Երևանի կենտրոնն աղավաղելու գործընթացն արգելակող օրենք պետք է շտապ ընդունվի. «Օրենքի նախագիծը կա, այն կառավարությունում քննարկման փուլում է, սակայն պետք է որքան հնարաոր է արագացնել դրա ընդունումը, որը ինչ-որ չափով կասեցնել շենքերի քանդման գործընթացը»: