Ձեր վստահելի աղբյուրը

«Լենտա.ռու»-ն հրապարակել է Հայաստանի գեղատեսիլ վայրերի լուսանկարները, հիշեցրել, որ նախորդ շաբաթ Հայաստանը խոստացել է ռուսաստանցիների մուտքը թույլ տալ ներքին անձնագրերով:

«Այդ նորամածությունը կարող է լուրջ ազդեցություն ունենալ երկրի ճանաչելիության առումով, որն առանց այդ էլ վերջին տարիներին ընդգրկվում է տուրիստական առավել պահանջված ուղղությունների ցանկում»,-գրում է աղբյուրը, ավելացնելով, որ Երևան այցելող զբոսաշրջիկներն այստեղ չեն տեսնի Բաքվի փայլը, Թբիլիսիի կոլորիտը, սակայն հայերը հյուրընկալությամբ հարևաններին չեն զիջում:

Այն հիշեցնում է, որ բյուջետային ավիաընկերություն հանդիսացող «Պոբեդա»-ն թռիչքներ է իրականացնում դեպքի Հայաստան, ինչի արդյունքում տոմսեր կարելի է ձեռք բերել 3-5 հազար ռուբլիով.  «Օգտվեք առիթից, հավաքեք ճամպրուկները, իսկ «Լենտա.ռու»-ն կպատմի, թե ինչ պետք է անպայման տեսնել Հայաստանում»:

Խոր Վիրապ եկեղեցուց բացվում է հայկական Արարտ լեռան լավագույն տեսարանը: Լեռն այսօր գտնվում է Թուրքիայի տարածքում: Աստվածաշնչի համաձայն, հենց Արարատի ստորոտին է հանգրվանել Նոյի տապանը:



«Մայր Հայաստան» հուշարձանը Երևանում կանգնեցվել է Հայրենական պատերազմում ԽՍՀՄ տարած հաղթանակի առթիվ: Արձանի բարձրությունը 54 մետր է:


Երևանում հեշտությամբ մոլորվում ես հին փողոցներում: Ի տարբերություն Թբիլիսիի, այստեղ այնքան էլ շատ հին փողոցներ չեն պահպանվել, սակայն փորագրված պատշգամբներով փայտե տներ դեռ հնարավոր է գտնել:



Հանրապետության Հրապարակը խորհրդային ճարտարապետության գլուխգործոցներից է, Ալեքսանդր Թամանյանի նախագծով կառուցվել է 1926 թվականին: Հրապարակում տեղակայված են Կառավարության տունը, նախարարությունների շենքը, «Մարիոթ Արմենիա»-ն, Կապի թանգարանը:  Դրանք միասնական ճարտարապետական համալիր են կազմում: Ցանկացած տաքսիստ խորհուրդ է տալիս գնալ հրապարակ գոնե միայն երգող գունավոր շատրվանների համար:



Աղբյուրը պատմում է նաև հայկական լավաշի ստեղծման, Գառնու տաճարի, Տաթևի եկեղեցու, Սևանա լճի, Կասկադ համալիրի, Վերնիսաժի, Ծիծեռնակաբարդի, Փարաջանովի տուն-թանգարանի, Կաթողիկոսի նստավայրի մասին: