Ձեր վստահելի աղբյուրը

«Հանրապետությունում այս ժամանակաշրջանին բնորոշ է վիրուսային վարակների աշխուժացումը և իմունիտետ չունցող օրգանիզմներում վիրուսները հեշտությամբ բազմանում են»,-այսօր լրագրողների հետ հանդիպմանը հայտարարեց ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի խորհրդական, իմունականխարգելման ազգային ծրագրերի ղեկավար Գայանե Սահակյանը:

Նրա խոսքով՝ վիրուսների ազդեցությունը հնարավորին չափ մեղմելու համար երեխաները պատվաստումները պետք է ժամանակի ստանան. «Եթե երեխան նշված տարիքում անհրաժեշտ պատվաստման դեղաչափը չստանա, ապա դա կարող է ճակատագրական լինել երեխայի համար: Չպատվաստված երեխան ավելի դյուրընկալ է լինում վիրուսների համար: Այն պատվաստումները, որոնք առաջարկվում են սխեմայով, օրացույցային ժամկետներով կարևոր են հենց հատկապես վարակային սեզոնի համար»:

Անդրադառնալով ծնողների կողմից պատվատումներից հրաժարվելուն, մասնագետն ասաց, որ այս խնդիրը է ոչ միայն Հայաստանում   կա, այլ ողջ աշխարհում. «Հրաժարվողների թվի աստիճանաբար աճին նպաստում է համացանցը: Նախկինում մանկաբույժների նկատմամբ վստահությունը բավականին մեծ էր և տեղեկատվության աղբյուրը հիմնականում մասնագետն էր: Հիմա հաճախ ծնողները համացանցի ոչ ճիշտ աղբյուրներից ստացած սխալ տեղեկատվության հիման վրա կայացնում են որոշոմներ: Չնայած Հայաստանում այդքան մտահոգվելու կարիք չկա, հետազոտությունները ցույց են տալիս,որ բավականին բարձր է պատվաստումերի ընգրկման ցանկը թեև, հրաժարման դեպքեր կան, սակայն դրանք երեքից չորս տոկոսն է կազմում, ինչը հիվանդությունների տարածման համար պարարտ հող չի ստեծղում»:

Գայանե Սահակյանը նշեց, որ ներկայումս փորձում են ծնողներին տեղեկատվությունն ավելի մատչելի տարբերակներով տրամադրել: 

Լրագրողների հարցին՝ պատվաստնյութ չստանալու պատճառով ինչ ճակատագրական հետևանքներ են եղել, նա օրինակ բերեց այս տարի մեկ տարեկան յոթ ամսական երեխայի մոտ տուբերկուլոզի տարածումից մահվան դեպքը. «Պատվաստված լինելու դեպքում, եթե անգամ վարակվեր երեխան, ապա նրա մոտ տարածում և մահ չէր գրանցվի: Չպատվաստման հետևանքով նախկինում նաև երկուսուկես ամսական երեխան մահացել է կապույտ հազից:Ցանկացած պատվաստանյութի վրա նշված է, թե երեխայի մոտ ինչ ջերմային ռեկացիա կարող է տեղի ունենալ»:

Ինչ վերաբերում է պատվաստանյութերի որակին՝ ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենը տեղեկացրեց,  որ այն գնվում է ՄԱԿ-ի մանկական հիմնական հիմնադրամից. «Հիմնադրամի հիմնական չափանիշը որակն է: Պատվաստվանյութերը եվրոպական արտադրության են, հավաստագրեր ունեն, պահպանվում են իդիալական պայմաններում: Սա հուսալի աղբյուր է»:

Նա հիշեցրեց նաև, որ զինակոչիկների պատվաստումները կատարվում են ամբուլատոր-պոլիկլինիկական բժշկական հիմնարկներում՝ զորակոչից 2-3 ամիս առաջ, իսկ նախկինում այն կատարվում էր կենտրանական հավաքակայանում ու զինակոչիկներին անմիջապես տանում էին զորամասեր: