Ձեր վստահելի աղբյուրը

« «Քվանտ» վարժարանում  սովորական, հանրակրթության օրենքին համապատասխան դասապրոցես է ընթանում։  Սակայն, այն տարբերվում է որոշ դպրոցներից նրանով, որ երեխաներն ու ուսուցիչներն ավելի մոտիվացված են»,-այսօր վարժարանում ՀՀ նախագահ Սերժ Սարգսյանի շրջայցից հետո լրագրողների հետ զրույցում այս մասին ասաց վարժարանի տնօրեն Ռոբերտ Վարդանյանը:

«Ի տարբերություն հանրակրթական այլ դպրոցների՝  «Քվանտ»-ում այսպիսի տնտեսական լծակներ են առկա, որ բազային աշխատավարձից բացի, ուսուցիչն ունի լրացուցիչ պարգևատրում, որը ստանում է որոշակի պարաﬔտրեր, խնդիրներ լուծելու պարագայում։ Ունենք գնահատող հանձնաժողով, և եթե ուսուցիչը լավագույնն է եռամսյակում, ապա նա ստանում է ֆինանսական խրախուսում։ Հենց այս տնտեսական լծակներն են, որ ﬔզ առավելություն են տալիս»,- նշեց տնօրենը:

Լրագրողների հարցին, թե ի՞նչ խնդիրներ ունի այսօր վարժարանը, որը ներկայացվեց Հանրապետության նախագահին, տնօրենը պատասխանեց. «Ներկայումս վարժարանը լուրջ խնդիրներ չունի, կարողանում է բոլոր խնդիրները, լավ, թե վատ, ինքնուրույն լուծել։ Միայն ﬔկ խնդիր ունենք, որ ﬔր ազատության աստիճանը չնվազեցվի, այսինքն՝ հանրակրթության պետական չափորոշիչը, որն ընդունվել է 2011թ. հուլիսի 28-ին, պահպանվի։ Դա ﬔզ արդեն բավարար կլինի, որովհետև հիմա խոսակցություններ կան որոշակի փոփոխություններ իրականացնելու մասին։ Այսօր հանրապետության շատ դպրոցներն ազատության ﬔծ աստիճան ունենալու դեպքում շատ ավելի լավ կարող են աշխատել։

Ինչ վերաբերում է աշակերտների մոտիվացմանը՝ Վարդանյանն ասաց, որ այս առումով ևս կիրառվում են համապատասխան ﬔխանիզﬓեր. «Օրինակ՝ ավագ դպրոցում իրականացվում է անգլերեն լեզվով ﬕջազգային բակալավրիատի կրթություն: Ունենք 47 դասարան, որոնցից երկուսն են այդպիսին։ Այստեղ երեխաներն ընտրում են վեց առարկա, որոնք ուսուﬓասիրում են երկու տարվա ընթացքում։ Վերջում քննական գնահատականների արդյունքով է որոշվում, թե նրանք կընդունվեն Օքսֆորդի, Քեմբրիջի համալսարաննե՞ր, թե՞ Մասաչուսեթսի տեխնոլոգիական ինստիտուտ, կամ ﬔկ այլ ﬕջազգային կրթական հաստատություն։ Այսինքն, ﬔզ պետք չէ երեխաներին ստիպել, տեռորի ենթարկել, քանի որ իրենք արդեն իսկ մոտիվացված են»:

«Դպրոցը հանրակրթության բոլոր ուղղություններով ունի հաջող ծրագրեր: Այն մոդելային է, քանի որ ունի և ավագ, և կրտսեր դպրոց, և երեխաներին դեպի գիտություն և հետազոտություն ուղղորդելու միջազգային բալակավրիատ:
Այստեղ հավաքված թիմը համալսարանական այն թիմն է, որը  մտավ հանրակրթություն՝ մտահոգված կրթության որակով: Իսկապես «Քվանտը» մոտվացված կազմ ունի և ժողովրդի մոտ էլ կա այն գնահատականը, որ լավագույն դպրոցներից է»,-ասաց  ՀՀ կրթության և գիտության նախարար Լևոն Մկրտչյանը: