Ձեր վստահելի աղբյուրը

«Ես որոշակի լուրջ գաղափարներ ունեմ Սիրիայի կապակցությամբ: Կարծում եմ, որ այն ինչ տեղի է ունենում այնտեղ, սարսափելի է․․․:  Զոհվել են հազարավոր մարդիկ․․․:  Դա ամոթալի եմ համարում: Ցանկալի է, որ ինչ-որ բան անենք Սիրիայի հետ: Ես խոսել եմ Պուտինի հետ այս առնչությամբ, դուք գիտեք, որ նա զանգել է ինձ»,-հայտարարել է ԱՄՆ նորընտիր նախագահ Դոնալդ Թրամփը The New York Times-ի լրագրողների հետ հանդիպմանը:

Ըստ Ռիա նովոստի»-ի փոխանցման՝  նա նաև ասել է, որ «լավ կլիներ», եթե ԱՄՆ-ն իրոք հարաբերությունները բարելավեր Ռուսաստանի հետ և միասին պայքարեին ԻՊ դեմ:

Թրամփն ընդգծել է, որ ԻՊ դեմ պայքարը ոչ միայն վտանգավոր է, այլ նաև մեծ ծախսեր է պահանջում:

«Մեզ պետք է լուծել խնդիրը, հակառակ դեպքում կշարունակենք պատերազմել»,-ասել է ԱՄՆ նորընտիր նախագահը՝  նշելով, որ իր հայացքները  սիրիական խնդրի հետ կապված տարբերվում է շատ ամերիկացի քաղաքական գործիչների տեսակետներից:

Թրամփի դիտարկմամբ՝  ԱՄՆ-ի միջամտությունը սիրիական հակամարտությանը սարսափելի սխալ էր: