Ձեր վստահելի աղբյուրը

Հանրապետությանն տարածքում մանկական բժշկական հաստատություններն ու Երևանի որոշ մանկական կազմակերպություններն աշխատում են ծանրաբեռնված կեպով:

Սակայն` իրավիճակը վերհսկելի է,-Panorama.am-ի հետ զրույցում մեկնաբանելով հանրապետությունում գրիպի հետ կապված իրավիճակը՝ ասաց ԱՆ վտանգավոր և օդակաթիլային վարակների համաճարակաբանության բաժնի պետ Լիաննա Թորոսյանը:

Բաժնի պետի խոսքով` դպրոցներում ու մանկապարտեզներում, պոլիկլինիկաներում ու ստացիոնար բաժանմունքներում ամենօրյա մոնիտորինգ է իրականացվում: Նա թվեր չհրապարակեց, սակայն նշեց, որ օրական ցուցանիշների աճ չի գրանցվել:

«Առավել ակտիվ  դիմելիություն նկատվում է Երևանում: Տրամաբանական է, այստեղ խիտ է բնակեցված, հիվանդությունը փոխանցվում է օդակաթիլային ճանապարհով, ինչն էլ նպաստում է հիվանդության տարածմանը»,-ասաց մասնագետը:

Ուսումնական հաստատություններում համաճարակային «ֆիլտրի» իրականացումը նպատակ ունի հիվանդների հոսքն ուղղել պոլիկլինիկաներ, որպեսզի հիվանդությունը վաղ փուլում կանխվի:

«Ֆիլտրն ուղղված է նրան, որ հիվանդը առողջանա, նոր գա դասի, իսկ առողջն էլ մնա առողջ»,-ասաց Թորոսյանը:

Նրա խոսքով, «ֆիլտրի» իրականացման երեք օրերի ընթացքում 5-6 հազար երեխա տուն է վերադարձվել, եղել են երեխաներ, որոնք դպրոց ու մանկապարտեզ են գնացել բարձր ջերմությունով: Գրիպն առավել շատ տարածված է 0-5 տարեկան երեխաների մոտ:

«Նրանց իմուն համակարգը դեռևս ձևավորված չէ, նրանք ավելի խոցելի են, նրանց մոտ բարդություններն ավելի հաճախ են լինում»,-բացատրեց մասնագետը:

Թորոսյանի հավաստմամաբ, հետգիրպային բարդություններով երեխաներ վերակենդանացման բաժանմունքներում չկան:

«Վերակենդանացման բաժանմունքներում մենք երեխաներ ունենք, ունենք նրանց լաբորատոր հետազոտությունների արդյունքները: Հետգրիպային բարդություններով այսօր վերակենդանացման բաժանմունքներում՝ արհեստական շնչառական ապարատի տակ գտնվող  երեխաներ չկան»,-ասաց Թորոսյանը, բացատրելով, որ դա չի նշանակում, որ հետգրիպային բարդություններ երեխաների մոտ չեն առաջացել: