Ձեր վստահելի աղբյուրը

«Մենք միատարր բնակչություն ունեցող երկիր ենք, Միացյալ նահանագներ չենք, երբ որոշ նահանգներում իսպաներենը պաշտոնական լեզու է: Մեզ մոտ ռուսերենը պաշտոնալան լեզու դարձնելու անհրաժեշտություն միանշանակ չկա»:,-լրագրողների հետ հանդիպմանը անդրադառնալով ռուսերենը պետական լեզու դարձնելու անհրաժեշտության մասին հարցին, ասաց Երևանի մամուլի ակումբի ղեկավար Բորիս Նավասարդյանը:

Նրա խոսքով, երկրում ցանկացած լեզվի տարածում պետք է ունենա օբյեկտիվ պատճառներ, ռուսերենի տարածման համար դրանք առկա են:

«Եվ կապերն են բավականին սերտ, և պաշտոնական հարաբերությունները, որքան էլ մենք վատ վերաբերենք ԵԱՏՄ-ին, բայց դա իրողություն է ու նշանակում է  բավականին ինտենսիվ հարաբերություններ Ռուսաստանի հետ»,-ասաց Նավասարդյանը, ավելացնելով, որ  դա պետք է լինի բնական ու օբյեկտիվ պրոցեսների շնորհիվ:

Նավասարդյանի խոսքով, չի հաջողվի Հայաստանում ռուսերենը պետական երկրորդ լեզու հռչակել, քանի որ կա դիմադրություն:

«Կարծում եմ՝ քողարկված դիմադրություն կա նաև իշխանական շրջանակներում: Հաստատ մեր իշխող էլիտայի ներկայացուցիչների մեծ մասը ռուսերենի չի տիրապետում և զուտ իրենց կարիերայի շահերից ելնելով չեն ցանկանա հայտնվել ոչ բարենպաստա պայմաններում մրցակցային առումով»,-ասաց նա:

Մանրամասները՝ տեսանյութում: