Վիգեն Սարգսյան. Իմ համար լինելու է պատվի խնդիր, որ որպեսզի այդ հիմնադրամի գործունեությունը լինի չափազանց թափանցիկ, հասկանալի
«Ես կարծում եմ, որ այն քննարկումը, որ ծավալվեց նախագծի շուրջ, ցույց տվեց, որ նախաձեռնությունը չափազանց կարևոր է, ակտուալ և այդ քննարկումը յուրաքանչյուրի համար իմաստավորված է: Հերթագրվեց և ելույթ ունեցավ շուրջ 40 պատգամավոր, ես գրեթե երկու նիստ շարունակ պատասխանում էի պատգավորների հարցերին, և քվերարկության այն արդյունքը, որ եղավ`102 ձայն կողմ, որը շատ բարձր արդյունք է ԱԺ-ի քվեարկությունների ընդհանուր պրակտիկայում, ցույց տվեց, որ, ընդհանուր առմամբ, իմ բերած փաստարկնեռրը համոզիչ էին օրենսդրի համար, որի համար ես շատ շնորհակալ եմ ԱԺ-ում մեր բոլոր գործընկերներին: 102-ը շատ ավելի մեծ թիվ է, քան ՀՀԿ ֆրակցիան խորհրդարանում»,- անդրադառնալով Հայաստանի պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին օրենքի նախագծին`«Ռ-Էվոլյուցիա» հաղորդաշարի ժամանակ այս մասին նշեց Պաշտպանության նախարար Վիգեն Սարգսյանը:
«Ես կարծում եմ, որ քննադատության մեջ պետք է տարանջատել երկու-երեք հիմնական էլեմենտ, որոնցից ամենակարևորը և իմ համար, ուղիղ ցուցիչը, դա վստահության և թափանցիկության ապահովման խնդիրներն են: Ես գտնում եմ, որ հենց այն փաստը, որ ես անձամբ տարա օրենքի նախագիծը ԱԺ-ը և ոչ թե տեղակալներիս մեկի միջոցով, կոչված էր վստահեցնելու մեր օրենսդրին և մեր հասարակությանը, որ իմ համար դա լինելու է պատվի խնդիր, որպեսզի այդ հիմնադրամի գործունեությունը լինի չափազանց թափանցիկ, հասկանալի: Մենք բոլոր ընթացակարգերի վրա հիմա աշխատում ենք և ներդնելու ենք դրանք: Յուրաքանչյուր լումայի ծախսման և կուտակված բոլոր միջոցների շարժը երևալու է մեր ողջ հասարակության համար` հետևելու ռեալ ժամանակի հնարավորությամբ: Կարծում եմ, մենք շատ կարևոր քայլ ենք կատարում: Ես ասել եմ այս օրերին, որ սա սոցիալական ծրագիր չէ, այլապես սա ԱԺ-ը կտաներ Սոցապ նախարարությունը: Սա պաշտպանական քաղաքականություն է: Մենք մի երկիր ենք, որը ունի պայմանագրային զինծառայողների շատ մեծ կարիք, մենք երկիր ենք, որը ունի սպայական լուրջ անձնակազմի խնդիր: Իսկ այդ մարդկանց ծառայություն ներգրավելու փաթեթի մեջ շատ կարևոր տեղ է զբաղեցնում ապահովագրական վճարի գաղափարը: Եվ իհարկե այս օրերին հնչեցին հարցեր` թե արդյո՞ք հնարավոր չէ եղած բյուջեի միջոցներից դա անել: Մի գուցե հնարավոր էր, բայց դա նշանակում էր կրճատել այլ, որևէ ծախս պաշտպանության համակարգում, իսկ մենք ունենք բազմաթիվ խնդիրներ լուծելու, այդ թվում և սպառազինության և եթե մեզ հաջողվի, իսկ ես վստահ եմ , որ մեզ հաջողվելու է, ավելացնել ՊՆ-ում բյուջետային կառավարման արդյունավետությունը, մենք այդ միջոցները ուղղելու տեղ ունենք: Այս ծրագիրը մի փոքր այլ ծրագիր էր, որտեղ յուրքանչյուր աշխատող քաղաքացի, իր ամեն ամսվա աշխատավարձից տարհանում կատարելով, ասում է, որ իր համար կարևոր միջոց է կանգնելու զինծառայողի կողքին, եթե հետ ինչ-որ բան պատահի»,-ասաց Վիգեն Սարգսյանը:
«Ցանկածած քաղաքականությունը իրականացնելու համար պետք է վստահություն: Այդ վստահության քվեն իշխող ուժը ստանում է ընտրությունների միջոցով, ձևավորում է կառավարություն և քաղաքականություն իրականացնում` օրենսդիր մարմին նախագիծ տանելով: Յուրաքանչյուր քաղաքական գործիչ իր տարած նախագծի համար կրում է քաղաքական պատասխանտատվություն, քաղաքական բեռ է վերցնում իր վրա: Այդ թափանցիկությունը իմ պատվի խնդիրն է`որպես պաշտպանության նախարարի, և ես դա երաշխավորելու եմ: Մնացած ամեն ինչ կարելի է բազմիցս քննակել»,- շեշտեց նախարարը:
Անդրադառնալով պարտադիր բաղադրիչի հանման հնարավորության թեմային, որի մասին օրերս խոսել էր ԱԺ ՀՀԿ խմբակցության ղեկավար Վահրամ Բաղդասարանը, Վիգեն Սարգսյանը նշեց.«Ես Կարծում եմ, որ պարոն Բաղդասարյանը նկատի ուներ հենց իմ կողմից ներկայացած առաջարկը, որ լինելու են խմբեր, որոնց համար պարտադիր բաղադրիչը կարող է փոխարինվել կամընտիր բաղադրիչով»:
Վիգեն Սարգսյանը մանրամասնեց, որ խոսքը գնում է այն մարդկանց մասին, որենք այդ պահին բանակում ունեն ժամկետային զինծառայող և այն մարդկանց մասին, որոնք ունեն զոհված, կամ առաջին և երկրորդ խմբի հաշմանդամ:
«Ես կարծում եմ, որ դա տրամաբանական է և բարոյական և նրանք պետք է ընտրեն` կուզե՞ն նրանք մասնակցել այս հիմնադրամին թե ՞ ոչ»,-ասաց Վիգեն Սարգսյանը:
Բացի դրանից, ըստ պաշտպանություն նախարարի, հատկացումը չի վերաբերում նաև նվազագույն աշխատավարձ ստացող քաղաքացիներին:
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
