Ձեր վստահելի աղբյուրը

Ապրիլյան քառօրյա պատերազմի ժամանակ զոհված Ազատ Սիմոնյանը դեկտեմբերի 4-ին կդառնար 20 տարեկան:

Ապրիլյան պատերազմի հերոսը Կոտայքի մարզի Կամարիս գյուղից էր:

Ազատը ապրիլյան քառօրյա պատերազմի առաջին օրվանից անհայտ կորածների ցուցակում էր, միայն ապրիլի 10-ին՝  զոհվածների մարմինների փոխանակման ժամանակ պարզվեց, որ հայկական կողմին  հանձնված 18 զոհերից մեկն էլ Ազատն է:

Ազատը Զինված ուժեր զորակոչվել էր 2015 թվականին՝ ծառայության անցնելով Ջաբրաիլում, ծնողներից գաղտնի 8 ամիս մարտական հերթապահություն է կատարել առաջնագծում:

Մարտական ընկերները ծնողներին պատմել են, որ Ազատը միշտ բարձրունքից երգել է «Քեզ սիրում եմ մամա» երգը:

Ազատի ֆեյսբուքյան գրառումներից մեկում էլ գրված է. «Կարոտ հոգիս տխուր է, սիրտս` ալեկոծ, կյանքս կանգնել է, առաջ չի գնում, կարոտն է խեղդում կոկորդիս կանգնած, աչքերս տխուր տունս են փնտրում, մի փնտրեք աչքեր, զուր են ձեր ջանքեր տունս չեք գտնի՝ այն շատ հեռու է, այնտեղ՝ տանս մեջ, որդու կարոտից մայրս է լալիս, մի լացիր մայրիկ մի օր տուն կգամ, երդվում եմ մայրիկ՝ մի օր տուն կգամ, ամեն կաթիլ արցունքիդ համար պատասխան կտամ»:

Ներկայացնում ենք ապրիլյան պատերազմում զոհված Ազատ Սիմոնյանին նվիրված երգը: