Ձեր վստահելի աղբյուրը

«Շատ քաղաքացիներ բողոքում են, որ մարդասպանությունները, դժբախտ դեպքերը, տրանսպորտային պատահարներն անընդհատ ցույց են տալիս հեռուստաալիքներով: Երեխաներ են նայում, վախենում են, կարելի՞ է այդքան բացասական նյութերով լցնել եթերը»,- այս մասին այսօր Ազգային ժողովում «Ոստիկանությունում ծառայության մասին»  ՀՀ օրենքում փոփոխություններ և լրացումներ կատարելու մասին օրենքի նախագծի քննարկման ժամանակ ասաց պատգամավոր Ալեքսան Պետրոսյանը:

Պատգամավորը դիմելով Ոստիկանության պետի տեղակալ Վարդան Եղիազարյանին՝  նշեց. «Մարդիկ ասում են՝  ոստիկանությանը խնդրեք, որ քիչ ցույց տան նման կադրերը: Ուղղակի առիթից օգտվելով, պարոն Եղիազարյան, հարյուրավոր քաղաքացիների անունից խնդրում եմ՝ մի քիչ քչացնել այդ երևույթները կամ ընդհանրապես ցույց չտան, ամեն մի երևույթի հետ կապված կինո են նկարում»:

Վարդան Եղիազարյանը նշեց, որ պատգամավորի մտահոգությունը հաշվի կառնեն:

Մանրամասները՝ տեսանյութում: