Ձեր վստահելի աղբյուրը

Հարավկորեական դատախազությունը կիրակի, դեկտըեմբերի 11-ին կհապարակեն Հարավային Կորեայի նախագահ Պակ Կին Հեի ընկերուուհու անվան հետ կապված կոռուպցիոն սկանդալի հետաքննության արդյունքները: Այս սկանդալի արդյունքում, հիշեցնենք, նախագահին խորհրդարանը իմպիչմենտ էր հայտնել: Այդ մասին գրում է «yonhapnews»-ը:

Հետաքննությունը դատախազությունը անցկացրել է երկու ամիս շարունակ: Եվ դատախազության ներկայացուցիչները կիրակի մասնավորապես, կներկայացնեն նախագահի նախկին երկու օգնականների մեղադրանքները, կհրապարակեն գաղտնալսված հեռախոսազրույցներ: Կոռուպցիոն սկանդալի առանցքում են հայտնվել Մշակույթի նախկին նախարար Կիմ Չոնգը և նախագահի տնտեսական հարցերով նախկին խորհրդական Չո Վոն-դոնգը:

Նրանք երկու բարձրաստիճան պաշտոնյաներն են, ովքեր օգնել են նախագահի ընկերուհուն՝  Չո Սուն Սիլին (Choi Soon-sil) օգտագործել իր ազդեցությունը կառավարական գործերում: Իրավապահները նաև կներկայացնեն ապացույցը, որը Չոյի պլանշետն է և որը հենց դարձել է մեղադրանքի հիմնական պատճառը, հիմքը: Բանն այն է, որ Չոն հերքում է, թե իբր պլանշետն իրենն է՝ ասելով, թե ինքը նույնիսկ չգիտե՝ ինչպես են այն օգտագործում:

Այդուհանդերձ, նշվում է, որ դատախազները իրենց հերթին վստահեցնում են, որ պլանշետը պատկանում է Չոյին փորձաքննության արդյունքներով՝ դրանում արձանագրվել են բոլոր այն վայրերը, որտեղ հաճախել է Չոն: Ինչպես նաև եղել են վկայություններ, որոնց համաձայն այդ պլանշետը տեսել են Չոյի ձեռքին: