Ձեր վստահելի աղբյուրը

2016 թվականի սկզբից 31 երկրում զոհվել է 144 լրագրող: «Գազետա.ռու»-ն գրում է, որ այսպիսի տվյալներ հրապարակվել են Press Emblem Campaign ոչ կառավարական կազմակերպության ամենամյա զեկույցում:

Կազմակերպության տվյալներով՝ դա վերջին տասը տարվա ընթացքում ԶԼՄ-ների աշխատակիցների շրջանում զոհերի ռեկորդային թիվ է: Լրագրողների աշխատանքի համար առավել վտանգավոր շրջաններ են դարձել Մերձավոր Արևելքը և Հյուսիսային Աֆրիկան:

Լրատվամիջոցը նշում է, որ ընդհանուր թիվը ներառում է նաև 20 բրազիլացի լրագրողի, որոնք նոյեմբերի 29-ին զոհվել էին Կոլումբիայում տեղի ունեցած ավիավթարի հետևանքով:

Իրաքում 2016 թվականին զոհվել է լրատվամիջոցների 16 աշխատակից: Դրա հետ միասին առաջին հնգյակում են Սիրիան (14), Աֆղանստանը (12), Մեքսիկան (12) և Եմենը (9): Ռուսաստանում զոհվել է 3 լրագրող, իսկ Ուկրաինայում՝  2:

Հիշեցնենք, որ 2015 թվականին նշված կազմակերպության զեկույցի համաձայն աշխարհի 33 երկրներում 135 լրագրող է զոհվել։