Ձեր վստահելի աղբյուրը

Ազգային ժողովի արտահերթ նիստում քննարկվեց  կառավարության կողմից ներկայացված «Պետական նպաստների մասին» ՀՀ օրենքում փոփոխություններ և լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը:

Հիմնական զեկուցող աշխատանքի և սոցիալական հարցերի նախարար Արտեմ Ասատրյանն ասաց, որ օրենքի նպատակն է բարելավել քաղաքացիներին մատուցվող ծառայությունների որակը: 

Նա նաև ներկայացրեց «Պետական կենսաթոշակների մասին» ՀՀ օրենքում փոփոխություններ և լրացումներ կատարելու մասին օրենքի նախագիծն առաջին ընթերցմամբ ընդունելու մասին հարցը: Նախարարի խոսքով՝ նպատակն է  իրավակիրառական պրակտիկայում առաջացած խնդիրների լուծումը:

«Վերջին տարիներին իրականացված աշխատանքների արդյունքում  բարելավելով տեղեկատվության ոլորտը,  ընթացակարգերը, իրականացվել են նաև ճշգրտման աշխատանքներ, արձանագրվել են ավելի վճարված գումարներ, որոնց մասով իրակացվում են ետգանձնման  աշխատանքներ: Առաջարկում ենք քաղաքացիներին, ում վճարվել է ավելի գումարներ, ներալ այդ վճարումները  2017 թվականի հունվարի 1-ի դրությամբ և սահմանել օրենքով հստակ ընթացակարգ, որ այս օրենքի ընդունումից հետո այդպիս իրավիճակ առաջանալու դեպքում անդրադաձ է արվելու նաև մեղքի առկայությունը: Օրենքոմ ներառվելու է դրույթ, որ ավելի գումարներ վճարված լինելու դեպքում անդրադարաձ է արվելու ինչպես պաշտոնատար անձի մեղքին՝  կամ նրա կողմից կատարված գործողությանը կամ անգործությանը, այնպես էլ քաղաքացու կողմից ոչ ճիշտ տվյալների ներկայացմանը»,- մանրամասնեց նախարարը:

Ա. Ասատրյանի խոսքով՝ սահմանում են աշխատանքային կենսաթոշակի իրավունք տվող ստաժի առկայության դեպքում համապատասխան արտոնյալ հաշվարկ   1992 թ. փետրավարի 1-ից 1994 թ. մայիսի 1-ը ՀՀ Զինված ուժերում զինվորական ծառայության, 1988 թվականի հունվարի 1-ից մինչև 1990 թվականի  դեկտեմբերի 1-ը Չեռնոբիլի ատոմակայանի  վթարի հետևանքների վերացման աշխատանքներին զինծառայողների մասնակցության ժամանակահատվածների մասով:

Ազգային ժողովում քննարկվեց նաև «ՀՀ քաղաքացիական օրենսգրքում» փոփոխություն և լրացումներ կատարելու մասին և կից ներկայացված օրենքների նախագծերի փաթեթն առաջին ընթերցմամբ ընդունելու մասին հարցը:

Հիմնական զեկուցող արդարադատության նախարարի տեղակալ Արտակ Ասատրյանն ասաց, որ խոշտանգումից տուժած քաղաքացիները համաչափ և արդարացի փոխհատուցում պետք է ստանան:  Նա նշեց, որ օրենքով սահմանում են, թե ովքեր են խոշտանգումից տուժած անձիք: Ինչ վերաբերում է  խոշտանգումից տուժած անձանց փոխհատուցմանը,  փոխնախարարը նշեց,  որ երեք կոմպոնենտ է իր մեջ պարունակում՝ նյութական  և ոչ նյութական փոխհատուցում, ռեաբիլիտացիոն իրավունք: