Ձեր վստահելի աղբյուրը

Այսօր Կենտրոն և Նորք Մարաշ վարչական շրջանների ընդհանուր իրավասության դատարանում շարունակվեց «տոնածառի գործով» դատավարությունը, որի շրջանակներում «Հիմնադիր խորհրդարանի» անդամ Գևորգ Սաֆարյանը ամբաստանյալ է:

Հիշեցնենք՝ նախորդ տարի Գևորգ Սաֆարյանը Ազատության հրապարակում Նոր տարվա գիշերը փորձել էր տոնածառ տեղադրել, նշել ամանորչը, սակայն ոստիկանները թույլ չէին տվել: Նրան մեղադրում են այդ գիշերը ոստիկանների նկատմամբ ոչ վտանգավորչ բռնություն գործադրելու համար: Այս գործով Գևորգի դեմ ցուցմունքները տվել են բացառապես ոստիկանները:

Այսօրվա նիստում մեղադրանքը պաշտպանող դատախազը ներկայացրեց մեղադրական ճառը:

Դատախազ Վահե Դոլմազյանը իր խոսքում ասաց, որ ոստիկաններից մեկի՝ գումարտակի հրամանատար Գեղամ Խաչատրյանի նկատմամբ Սաֆարյանն ունեցել է «ընդգծված անբարյակցամ վերաբերմունք» ու այդ գիշեր հարվածել է նրան, վայր գցել:

Այնուհետև, ըստ դատախազի ներկայացման, երբ հավաքված քաղաքացիները տեսել են այդ ամենը, ոգևորվել են և թվով լինելով ավելի շատ «հարձակվել են ոստկանության վրա ու քաշքշելով գցել ցած», իսկ ոստիկաններն էլ «ստիպված են եղել կիրառել ուժ քաղաքացիներից պաշտպանվելու համար»:

Ըստ դատախազի ճառի, Գեղամ Խաչատրյանը հոնքի շրջանում ստացել է վնասվածք, որից ցավը հանգստացնելու համար դիմել է բուժօգնության թիվ 1 հիվանդանոց:

Դատախազի եզրակացությամբ, ոստիկանների գործողությունները «բխել են ստեղծված իրավիճակում բխել են օրենքից»:

Անդրադառնալով դատարանում ցուցմունք տված քաղաքացիական անձանց ցուցմունքներին, թե Գևորգ Սաֆարյանը չի հարվածել ոստիկանին, դատախազը հայտարարեց, որ դարնք «արժանահավատ լինել չեն կարող»:

«Մեղադրյալ Գևորգ Սաֆարյանի և նրա ընկերների բերած փաստարկները հիմնավորված չեն, ուղղված են Սաֆարյանի պաշտպանությանը և նպատակ են հետապնդում ազատել նրան քրեական պատասխանատվությունից և հնարավոր պատժից», -հայտարարեց դատախազը:

Ինչ վերաբերում է պաշտպանական կողմի՝ դատարանում ներկայացված տեսաերիզներին ու դրանց բովանդակությանը, ապա ըստ դատախազի դրանցով չեն հերքվում ոստիկանների տված ցուցմունքները: Եվ բացի այդ, մեղդրողը կասկածներ հայտնեց տեսանյութի մոնտաժված լինելու առումով ու նկատեց, որ այն ապացույց չի ճանաչվել ու չի հետազոտվել: Տեսանյութը, հիշեցնենք, պաշտպանական կողմը ձեռք էր բերել դատաքննության ընթացքում:

Այսպիսով, ոստիկան Գեղամ Խաչատրյանի առողջությանը ոչ վտանգավոր բռնություն գործադրելու համար դատախազը միջնորդեց Սաֆարյանի նկատմամբ կիրառել պատիժ՝ ազատազրկում՝ 2.5 տարի ժամկետով:

Դատախազի այս պահանջը բողոքի ալիք առաջացրեց նիստերի դահլիճում, և քաղաքացիները հեգնեցին. «Քիչ է դա, տարեք կախեք մարդուն»:

Սաֆարյանի պաշտպան, փաստաբան Տիգրան Հայրապետյանը ասաց, որ պաշտպանական ճառի համար իրենց ժամանակ է պետք: Դատավոր Մնացական Մարտիրոսյանի որոշմամբ հաջորդ նիստը կկայանա դեկտեմբերի 27-ին, որի ժամանակ և փաստաբանըմ և Սաֆարյանը հանդես կգան պաշտպանական ճառով: