Ձեր վստահելի աղբյուրը

1988-ի երկրաշարժից հետո մահացության ամենաբարձր ընդհանուր գործակիցը գրանցվել է 2015-ին: Ազգային վիճակագրական ծառայության հրապարակած Հայաստանի ժողովրդագրական ժողովածուում ներառված տվյալների համաձայն, այդ գործակիցը 88-ին եղել է 10.3, 2015-ին` 9.3: 2001 թվականից այդ գործակիցն ամեն տարի մեծանում է:

Հայաստանում մահացության առավել ցածր գործակից է գրանցվել 1963-1987 թվականների ընթացքում:

Այսպես, 2010-2015-ի ընթացքում մահվան դեպքերի առավել մեծ թիվ գրանցվել է 2011-ին` 27 963: Հաջորդող երկու տարիներին այդ թիվը փոքր ինչ նվազել է. 2012-ին` 27 599 դեպք, 2013-ին` 27 196 դեպք: 2014-ին մահվան դեպքերի թիվն ավելացել է` հասնելով 27 714-ի, իսկ 2015-ին` 27 878-ի:
2014-ին Հայաստանում մահացածներից 14 302-ը տղամարդիկ են,  13 576-ը` կանայք:

0-4 տարեկան հասակում գրանցվել է մահվան 435 դեպք, 5-9 տարեկանում` 59 դեպք:  Տարիքային վերջին խմբում 2014-ի համեմատ մահվան դեպքերն ավելացել են 22-ով:

Մահվան պատճառ առավել հաճախ դառնում են  արյան շրջանառության համակարգի հիվանդությունները`  մահվան 27 878 դեպքից 12 961-ը նման հիվանդությունների հետևանք են, ապա  չարորակ նորագոյացությունները`  6 069-ը: