Ձեր վստահելի աղբյուրը

 «Իմ աշխատանքի ընթացքում պրիմիտիվ գողության չեմ հանդիպել: Իմ պահանջն էլ եղել է, որ բոլորն աշխատեն մաքուր: Չեմ կարող մեկնաբանել, բայց հուսով եմ, որ նախկինում էլ գողություն չի եղել»,- այս մասին այսօր լրագրողների հետ հանդիպման ժամանակ ասաց  ՀՀ տրանսպորտի, կապի և ՏՏ նախարար Վահան Մարտիրոսյանը՝ պատասխանելով հարցին, թե վարչապետի կողմից բարձրացվել է «պրիմիտիվ գողությանը»  մասին՝ արդյոք նրա ղեկավարած նախարարությունում նախկինում եղել են նման դեպքեր, հայտնաբերել են «պրիմիտիվ գողերին» :

Լրագրողների մեկ այլ հարցին, թե ինչ-որ բան փոխվել է նախարարի կյանքում հանրապետական դառնալուց հետո, Վահան Մարտիրոսյանը պատասխանեց. «Հանրապետական դառնալուց հետո իմ կյանքում ոչինչ չի փոխվել»:

Հարցին՝  հնարավոր է, որ առաջիկա խորհրդարանական ընտրություններում առաջադրի իր թեկնածությունը, նախարարն  ասաց,  որ չի բացառում: «Կյանքում ոչինչ չեմ բացառում, ամեն ինչ էլ հնարավոր է, դեռ ժամանակ կա: Ինչու չէ, ամեն ինչ հնարավոր է»,-  նշեց Վահան Մարտիրոսյանը: