Ձեր վստահելի աղբյուրը

«Մենք շատ բարձր ենք գնահատում միջազգային իրավունքի հիման վրա ղարաբաղյան հիմնախնդրի բացառապես խաղաղ կարգավորման վերաբերյալ Իրանի հավասարակշռված դիրքրոոշումը»: ՀՀ նախագահի նստավայրում հայ-իրանական բարձր մակարդակի բանակցությունների ավարտից հետո մամուլի համար հայտարարության ժամանակ ասաց ՀՀ նախագահ Սերժ Սարգսյանը:

«Իրանցի գործընկերոջ հետ անդրադարձանք  Ղարաբաղյան հիմնահարցին, ներկայացրեցի հիմնախնդրի խաղաղ հանգուցալուծման գործում առաջընթացի ապահովմանն ուղղված Հայաստանի և ԵԱՀԿ Մինսկի խմբի համանախագահների ջանքերը, ապրիլին Արցախի դեմ Ադրբեջանի ագրեսիայի հետևանքների վերացմանն ուղղված Վիեննայի և Սանկտ Պետերբուրգի գագաթաժողովներին ձեռք բերված համաձայնությունները:

Մենք վերահաստատեցինք, որ Լեռնային Ղարաբաղի հիմնահարցը չի կարող ունենալ ռազմական լուծում և շեշտեցինք տարածաշրջանում իրավիճակի լարվածության ու անկայունության տարածմանն ուղղված ցանկացած քայլի անթույլատրելիությունը»,-հայտարարել է ՀՀ նախագահը: