Պան Գի Մունը ցանկություն ունի առաջադրվել Հարավային Կորեայի նախագահի պաշտոնում

Քաղաքական 15:30 21/12/2016 Աշխարհում

Պան Գի Մունը ցանկություն ունի առաջադրվել Հարավային Կորեայի նախագահի պաշտոնում

ՄԱԿ գլխավոր քարտուղար Պան Գի Մունը ակնարկել է Հարավային Կորեայի նախագահի պաշտոնում իր թեկնածության առաջադրման վերաբերյալ: Այս մասին հայտնում է «Ռիա նովոստի» լրատվական գործակալությունը:

«Եթե այն ամենն, ինչը ես սովորել եմ, տեսել ու զգացել եմ ՄԱԿ-ի գլխավոր քարտուղարի 10 ամյա պաշտոնավարման ժամանակահատվածում, կօգնի Հարավային Կորեան առաջ տանել, ապա կցանկանայի ամբողջովին նվիրել ինձ այդ գործին»,- հայտարարել է Պան Գի Մունը և հավելել, որ իր հնարավորությունները սահմանափակ են:

«Ես չեմ խնայի ինձ, եթե իմ գիտելիքներն ու կարողությունները օգտակար լինեն երկրի զարգացման, քաղաքացիների բարորության և եկամուտների բարձրացման համար»,- նշել է Գլխավոր քարտուղարը:

Մամուլում դեռևս վաղուց էր խոսվում, որ Պան Գի Մունը դիտարկվում է Հարավային Կորեայում նախագահի պաշտոնի հավանական թեկնածուներից մեկը:

Նշենք, որ 2016թ.-ին Պան Գի Մունը ավարտելու է ՄԱԿ Գլխավոր քարտուղարի իր պաշտոնավարումը և մտադիր է վերադառնալ Հարավային Կորեա, որտեղ նախկինում գլխավորել է երկրի արտաքին գերատեսչությունը: Պան Գի Մունի՝ Հարավային Կորեայի նախագահի պաշտոնում առաջադրվելու մասին տեղեկությունները սկսեցին ակտիվանալ Կորեայում քաղաքական սկանդալի պատճառով, որի արդյունքում գործող նախագահ Պակ Կին Հեն հրաժարական ներկայացրեց:

Չնայած Պան Գի Մունի առաջադրվելու վերաբերյալ խոսակցություններին, դեռևս հայտնի չէ, թե վերջինս որ քաղաքական ուժը կներկայացնի: Ի դեպ ընդդիմադիր կուսակցություններից մեկը արդեն ցանկություն է հայտնել Պան Գի Մունի թեկնածությունն իր կուսակցությամբ առաջադրելու կապակցությամբ:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: