Ձեր վստահելի աղբյուրը

Հանրապետության տարածքում դեկտեմբերի 23-ին, 27-ին սպասվում է առանց տեղումների եղանակ:

ԱԻՆ-ից հայտնում են՝ 24-ին Շիրակում, Կոտայքում, Արագածոտնում, Արարատում, Արմավիրում և Վայոց ձորում կտեղա թույլ ձյուն, 25-26-ը շրջանների զգալի մասում սպասվում է ձյուն, առանձին հատվածներում` բուք, ցածր տեսանելիություն: Քամին՝ հյուսիս-արևմտյան՝ 3-8 մ/վ արագությամբ:

Օդի ջերմաստիճանը 25-26-ը` հատկապես գիշերները, կբարձրանա 13-15 աստիճանով, ցերեկները‵ 6-8 աստիճանով:

ԱԻՆ «Հիդրոմետ» ծառայության օդերեւութաբանության կենտրոնի պետի տեղակալ Գագիկ Սուրենյանը տեղեկացրել է, որ Միջերկրական ծովից դեպի Հայաստան է շարժվում օդային տաք հոսանքը:

«Եկող ցիկլոնը մեզ կփրկի, եթե դա չգար, այս անտիցիկլոնային պարզկա եղանակը պահպանվեր, օր-օրի ջերմաստիճանը իջնելու էր, հատկապես Արարատյան դաշտում»,-ֆեյսբուքյան իր էջում գրել էր նա:

Երևանում դեկտեմբերի 23-ին, 27-ին սպասվում է առանց տեղումների եղանակ: 24-ին սպասվում է թույլ ձյուն, 25-26-ը սպասվում է ձյուն: