Ձեր վստահելի աղբյուրը

«Չելսիի» իսպանացի հարձակվող Պեդրոն կարծիք է հայտնել «կապույտների» իտալացի գլխավոր մարզիչ Անտոնիո Կոնտեի մասին։

Ներկա պահին «Չելսին» ընթանում է Անգլիայի առաջնության մրցաշարային աղյուսակի 1-ին հորիզոնականում՝ «Լիվերպուլին» գերազանցելով 6 միավորով։ Իսպանացի 29-ամյա հարձակվողը պատմել է «Չելսիի» հաջողության գլխավոր բաղադրիչների մասին։

«Անտոնիոն շատ լավ մարզիչ է։ Նա բոլոր խաղացողներին հավատ է ներշնչել սեփական ուժերի նկատմամբ, իսկ հետո մենք սկսեցինք հաղթել։ Նա պարզապես փոխեց իրավիճակը։ Նա վստահում է մեզ, ստիպեց հավատալ, որ կարող ենք հաղթել, որ կարող ենք նվաճել չեմպիոնի կոչումը։

Մեր հաջողության գլխավոր գործոնը վստահությունն է։ Վստահում ենք մարզչին, նա մեզ է վստահում, խաղացողները վստահում են միմյանց։ Բոլորն աշխատում են նույն նպատակի համար։ Մենք, իրոք, համախմբված ենք, ինչպես իսկական թիմ։

Մոուրինյոյի օրոք ամեն ինչ այլ կերպ ընթացավ։ Մենք վատ հանդես եկանք Պրեմիեր լիգայում, թիմային ոգին ցածր մակարդակի վրա էր, միմյանց նկատմամբ վստահություն չկար։ Ամեն ինչ սարսափելի էր։ Շատ բաներում նա իրավացի չէր»,- Պեդրոյի խոսքերը մեջբերել է isport.ua-ն։