Ձեր վստահելի աղբյուրը

Պետք է ուշադրություն դարձնենք խոշոր բիզնեսին, քանի որ այդտեղ ունենք խնդիրներ, բայց չպետք է անտեսենք նաև այն հանգամանքը, որ եթե խախտումներ կան փոքր և միջին բիզնեսում, դրանք էլ պետք է բացառել,- լրագրողների հետ հանդիպմանն ասաց Պետական եկամուտների կոմիտեի նախագահ Վարդան Հարությունյանը:

Նրա խոսքով՝  անթույլատրելի է, եթե փոքր և միջին  բիզնեսը ՀԴՄ կտրոն չի խփում, պահում է ոչ գրանցված աշխատակից: 

«Պետք է փոքր և միջին բիզնեսը հասկանա, որ, իհարկե, ճնշումներ լինելու են խոշոր բիզնեսի վրա, բայց իրենք էլ պետք է շտկվեն: Հավասար դաշտ նշանակում է բոլորի համար, ոչ թե միայն խոշորի կամ ոլորտային»,- ասաց ՊԵԿ նախագահը:

Պատասխանելով բանան ներկրող ընկերությունների մասին հարցին, մասնավորապես նոյեմբերի 22-ին ՊԵԿ-ը հայտարարություն է տարածել, ըստ որի՝ անհայտ անձիք խոչընդոտել են բանան ներկրողին, սակայն անհասկանալի է՝ ովքե՞ր էին խոչընդոտողները, պարզ չեղավ՝ ինչո՞ւ հետո այդ մարդը որոշեց էլ բանան չներկել, Վ. Հարությունյանն ասաց. «Ո՞վ է ասել, որ չի ներկրում: Մինչև հիմա էլ ներկրում է: Էս բանանի պատմությունը սարքել եք տժվժիկի պատմությունը: 46 կազմակերպություն բանան է ներկրում, որից 5-6-ը վերջին երկու ամսվա ընթացքում է  շուկա մտել: Նրանք արդեն մի քանի մեքենա են ներկրել»: