Ձեր վստահելի աղբյուրը

Հարավային Կորեայի իշխանությունները հայտարարել են, որ Դանիային կուղարկեն պաշտոնական հարցում՝  արտահանձնել երկրի նախագահ Պակ Կին Հեի ընկերուհու՝ Չո Սուն Սիլի դստերը՝ Չոն Յու Ռային: Չո Սուն Սիլը նախագահի շուրջ ծավալված կոռուպցիոն գործով հիմնական ֆիգուրանտն է: 

ՏԱՍՍ-ը, հղում անելով Ռոյթերսին, գրում է, որ Չոն Յու Ռան հայտարարել է Հարավային Կորեա վերադառնալու պատրաստակամության մասին այն դեպքում, եթե ժամանելուց հետո ազատ կարձակվի: Բայց  կառավարությունն այդ առաջարկությունը մերժել է:

Չոն Յու Ռան Դանիայի ոստիկանության կողմից ձերբակալվել է հունվարի 1-ի երեկոյան Ինտերպոլի կողմից դեկտեմբերի 27-ին Հարավային Կորեայի իշխանությունների հարցման հիման վրա տրամադրված միջազգային օրդերով: Նա կասկածվում է տնտեսական հանցագործության մասնակցության մեջ, որը ենթադրաբար կատարել է նրա մայրը և պետք է հանձնվի իր հայրենիքին՝ հարցաքննվելու:

Չոն  զբաղվում է ձիասպորտով և վերջին ժամանակները բնակվում է Գերմանիայում: Ավելի վաղ տարածված հաղորդագրության համաձայն, նա գտնվում էր Դանիայում հերթական մրցաշարին մասնակցելու համար, բայց Հարավային Կորեայի ԶԼՄ-ները գրել էին այն մասին, որ աղջիկը փախել է  այն ժամանակ, երբ նրա մոր և երկրի նախագահի շուրջ ծավալվել է կոռուպցիոն սկանդալ: Նախօրեին դատարանը որոշել է նրան կալանքի տաք պահել չորս շաբաթով:

Պակ Կին Հեի շուրջ քաղաքական սկանդալը սկսվել էր այն ժամանակ, երբ հայտնի էր դարձել, որ նրա ընկերուհին միջամտել է  պետական գործերին: Հարավային Կորեայի խորհրդարանը նրան իմպիչմենթ է հայտնել: