Ձեր վստահելի աղբյուրը

Հարավային Կորեայի Սահմանադրական դատարանում մեկնարկել է երկրի նախագահ Պան Կին Հեին իմպիչմենտ հայտնելու հարցով դատական լսումը։ Սա այս տարի արդեն երկրորդն է, քանի որ ՍԴ-ում հունվարի 3-ին մեկնարկած դատական նիստը շատ արագ հետաձգվել էր՝ նախագահի՝ նիստին չներկայանալու պատճառով։

«BBC»-ն գրում է, որ դեռևս նախորդ տարեվերջին երկրի խորհրդարանը նախագահի դեմ իմպիչմենթ հայտնեց, բայց այժմ Սահմանադրական դատարանը պետք է վավերացնի այդ որոշումը։

Հիշեցնենք՝ Հարավային Կորեայում ամիսներ շարունակ ճգնաժամ է նախագահի ընկերուհու՝  Չո Սուն Սիլի (Choi Soon-sil) անվան հետ կապված բացահայտված կոռուպցիոն սկանդալի արդյունքում։ Բանն այն է, որ ըստ երկրի իրավապահների կատարած հետաքննության արդյունքների, Հարավային Կորեայի նախագահ Պակ Կին Հեի ընկերուուհին չարաշահել է նախագահի հետ կապը ու «միջամտել երկրի պետական գործերին»։ Ինքը՝ Չո Սուն Սիլին չէր ընդունել մեղադրանքը ու դատարանում հայտարարել էր, որ իրեն մեղավոր չի ճանաչում։ Այս սկանդալի պատճառով հարավկորեացիները բողոքի էին դուրս եկել փողոց ու պահանջում էին նախագահի հրաժարականը։

Նշվում է, որ մինչ այժմ Հարավային Կորեայում միայն մեկ անգամ է իմպիչմենտ հայտնելու նախաձեռնություն եղել. նախկին նախագահ Նո Մու Հյոնեին  2004-ին  խորհրդարանը նույնպես իմպիչմենտ էր հայտնել, բայց հենց այդ տարվա մայիսին Սահմանադրական դատարանի կողմից այդ որոշում չեղյալ էր հայտարարվել: Եվ միայն չորս տարի անց՝ 2008-ին նա հեռացավ իր պաշտոնից։