Ձեր վստահելի աղբյուրը

Շուկաներում մսի վաճառքը  ավելի անվտանգ դարձնելու  համար  հուլիսի 1-ից  նոր օրենքով  գյուղացին անասունը  կմորթի միայն  սպանդանոցներում:  Այսինքն  բակային պայմաններում մորթված  կենդանու միսը  վաճառակետերը չեն կարող ընդունել:...Հայաստանի 4 խոշոր մարզերում, օրինակ,  Գեղարքունիքում, Արմավիրում, Շիրակում և տավուշում  որտեղ ևս անասնապահութնունը զարգացած է, և գյուղացիների մեծ մասը այդ բիզնեսով են զբաղվում, սպանդանոցներ չկան:

Հանրապետության 4 մարզերում սպանդանոցների  բացակայությունը «Առավոտ»-ի հետ զրույցում   գյուղատնտեսության նախարարության Անասնաբուծության վարչության պետ Լևոն Տեր-Իսահակյանը բացատրել է ներդրողների՝  այս ոլորտում հետաքրքրության  բացակայությամբ, սակայն, գյուղատնտեսության մասնագետը հույս է հայտնել, որ  օրենքը ուժի մեջ մտնելուց հետո  երբ  մորթը սպանդանոցում կազմակերպելը  պարտադիր կլինի,  ներդրողների հետաքրքրությունն այս ոլորտում  կմեծանա:

«Առավոտ»-ի հարցին՝ թե  գյուղնախարարությունը, որպես  քաղաքականություն մշակող մարմին,  վերլուծե՞լ է, թե  սպանդանոցի մատուցած ծառայությունը  որքանով կբարձրացնի մսի գինը,  այսինքն առաջին անհրաժեշտության սպառման  գնաճը որքան կարող է լինել, որպեսզի սպանդանոցները իրատեսական  գին պահանջեն  մատուցած ծառայության դիմաց՝  հատկապես, որ  մորթի այլ տարբերակ մարդիկ չեն ունենալու:  Պարոն Տեր-Իսահակյանն ասել է, որ  այդ հարցերը դեռևս քննարկման փուլում են,  և որ սպանդանոցները կարգավորելու են  ծառայության մատուցման  գինը:

«Որովհետև իրենք կարող են առաջարկել երկու տարբերակ՝  կենդանու համար ինքը կանխիկ վճարի և ինքը իրացնի,  և մյուս տարբերակը՝  սպանդանոցին գումար վճարեն ծառայության մատուցման համար և մսեղիքը վերցնեն, կամ տարբերակներից մեկը կարող է լինել, որ համաձայնության գան և  երկրորդային հումքը՝  կաշին, ոսկորները, ներքին օրգանները, մնա սպանդանոցի տնտեսվարողին և դրա դիմաց նրան մատուցվի ծառայություն: Այդ ամենը արդեն շուկայական հարաբերություններ են և գինը կախված կլինի նրանից, թե ծառայությունն ինչ չափով կմատուցվի: Այդ հարցերը դեռ քննարկման փուլում են,  որովհետև միջնորդ կազմակերպություններ կան, որ  այսօր  առհասարակ  իրեն էլ են գինը բարձրացնում,  իսկ այս պարագայում դիտարկվում է  այն  տարբերակը, որ միգուցե նույն  սպանդանոցն ինքն իր  փոխադրամիջոցով հավաքի կենդանիներին և կարող է դա կոմպենսացնել»,- նշել է նա:

Շարունակությունը՝ թերթի այսօրվա համարում