Հայաստանի տղամարդկանց և կանանց առաջնությունները հատեցին հասարակածը
Երեկ կայացան Հայաստանի տղամարդկանց և կանանց առաջնությունների 5-րդ տուրերի պարտիաները: Տղամարդկանց մրցաշարի 5 պարտիայից չորսն ունեցան հաղթական ավարտ: Միակ ոչ-ոքին գրանցվեց Մանուէլ Պետրոսյան-Զավեն Անդրիասյան պարտիայում: Տիգրան Հարությունյանը սև խաղաքարերով առավելության հասավ Ռոբերտ Հովհաննիսյանի նկատմամբ: Սևերի հաղթանակով ավարտվեց նաև Հովհաննես Գաբուզյան-Սամվել Տեր-Սահակյան պարտիան: Կարեն Գրիգորյանը կարողացավ 42 քայլում հաղթել Արման Փաշիկյանին, իսկ տուրի ամենաերկարատև պարտիայում Տիգրան Լ. Պետրոսյանը հաղթեց Հայկ Մարտիրոսյանին. պարտիայում խաղացվեց 96 քայլ, և այն շարունակվեց շուրջ 6 ժամ: Այս մասին հայտնում է chessfed.am-ը։
5-րդ տուրից հետո աղյուսակը գլխավորում է 3,5 միավոր վաստակած Զավեն Անդրիասյանը: Տիգրան Հարությունյանն ու Հայկ Մարտիրոսյանն առաջատարից հետ են մնում կես միավորով, Տիգրան Լ. Պետրոսյանը, Արման Փաշիկյանը, Ռոբերտ Հովհաննիսյանն ու Սամվել Տեր-Սահակյանը վաստակել են 2,5-ական միավոր, Կարեն Գրիգորյանն ու Մանուէլ Պետրոսյանն իրենց ակտիվում գրանցել են 2-ական միավոր, իսկ Հովհաննես Գաբուզյանը` 1,5:
6-րդ տուր
Անդրիասյան – Մարտիրոսյան
Փաշիկյան – Պետրոսյան Տ.
Տեր-Սահակյան – Գրիգորյան
Հարությունյան – Գաբուզյան
Պետրոսյան Մ. – Հովհաննիսյան
Կանանց մրցաշարի 5 պարտիայից չորսը նույնպես ունեցան հաղթական ավարտ: Տուրի միակ ոչ-ոքին գրանցվեց Մարիա Գևորգյան-Արմինե Բաբայան պարտիայում: 5-րդ տուրում 4-րդ հաղթանակը տոնեց Աննա Հայրապետյանը: Մրցաշարում առաջին հաղթանակը տոնեց Նարինե Գասպարյանը. նրա մրցակիցն էր Սուսաննա Գաբոյանը: Աննա Սարգսյանը սև խաղաքարերով առավելության հասավ Նարե Առաքելյանի նկատմամբ, իսկ Սիրանուշ Ղուկասյանն ուժեղ գտնվեց Արփինե Գրիգորյանից:
5-րդ տուրից հետո աղյուսակը գլխավորում է Աննա Հայրապետյանը, ով վաստակել է 4 միավոր: Մարիա Գևորգյանն ու Սիրանուշ Ղուկասյանն առաջատարից հետ են մնում կես միավորով, Սուսաննա Գաբոյանը, Մարիամ Ավետիսյանն ու Աննա Սարգսյանը վաստակել են 2,5-ական միավոր, Արմինե Բաբայանն ու Արփինե Գրիգորյանն իրենց ակտիվում գրանցել են 2-ական միավոր, Նարինե Գասպարյանը` 1.5, իսկ Նարե Առաքելյանն ունի 1 միավոր:
6-րդ տուր
Ղուկասյան – Գասպարյան
Սարգսյան – Գաբոյան
Ավետիսյան – Առաքելյան
Բաբայան – Հայրապետյան
Գրիգորյան – Գևորգյան
Լրահոս
Տեսանյութեր
ԱԺ նիստը մեկնարկեց մեկ րոպե լռությամբ՝ ի հիշատակ պատգամավոր Մհեր Սահակյանի
