Ձեր վստահելի աղբյուրը

«Ձեր աշխատանքում ակնկալում եմ որակական փոփոխություններ, մասնավորապես՝ համակարգային խնդիրների բացահայտում և հնարավոր լուծումներ, հետադարձ կապ տնտեսավարողների հետ»: ՍԱՊԾ մարզային կառույցների ղեկավարների հետ անցկացրած խորհրդակցության ժամանակ ասել է ծառայության պետ Իշխան Կարապետյանը:

ՍԱՊԾ մամուլի ծառայության փոխանցմամբ, ծառայության պետն առաջարկել այս տրամաբանությամբ շարունակել  ներկայումս  հանրապետության ողջ տարածքում իրականացվող վերահսկողությունը հացի և զովացուցիչ ընպելիքների շուկաներում:

Իշխան Կարապետյանը, որպես առաջնահերթ խնդիր, կարևոր է համարել,  որ մարզերում հայտնաբերվեն  ու հաշվառվեն սննդամթերքի հիմնական մատակարարները՝  նրանց գործունեության ու պահեստային տարածքների վրա սահմանելով խիստ հսկողություն և բացառելով հնարավոր ժամկետանց սննդամթերքի մուտքն իրացման ցանց:

Ծառայության պետը խորհրդակցության արդյունքում անասնաբուժության և բուսասանիտարիայի տեսչությունների պետերին հանձնարարել է մարզերում ևս, կենտրոնների մասնագետների հետ համատեղ, մսի շուկայում և ջերմոցային տնտեսություններում այցեր կատարել, գնահատել իրավիճակը և ձեռնարկել դրանք բարելավելու քայլեր: