Ձեր վստահելի աղբյուրը

ԱՄՆ 45-րդ նախագահ ընտրված Դոնալդ Թրամփի երդմանակալության արարողությունները կշարունակվեն երեք օր: Դրանք կմեկնարկեն հինգշաբթի օրը, կավարթվեն շաբաթ օրը: Բուն երդմնակալության արարողությունը նախատեսված է հունվարի 20-ին՝ Կոնգրեսում:  «ՏԱՍՍ»-ի փոխանցմամբ, Թրամփի երդմնակալությունը նախատեսված է լինել նախորդների համեմատ ավելի կարճ ու գործնական:

Վաղը Թրամփն ու փոխնախագահն ընտրված Մայքլ Փենսը Արլինգտոնյան ազգային գերեզմանում ծաղիկներ կդնեն անհատ զինվորի հուշարձանին, ապա կայցելեն Վաշինգտոնի կենտրոնական բուլվարում գտնվող նախագահ Աբրահամ Լինքոլնի հուշահամալիր: Այստեղ համերգ է նախատեսված:

Նշվում է, որ ԱՄՆ մայրաքաղաքում նախապատրաստական աշխատանքները գրեթե ավարտվել են: Սպիտակ տանը մինչև Կոնգրեսի շենքին կապող փողոցի երկու կողմերում տրիբունաներ են դրվել, որտեղից քաղաքացիները պետք է հետևեն միջոցառմանը:

Երդմնակալության արարողության ժամանակ անվտանգությունը կհսկեն համապատասխան մարմինների 28 հազար աշխատակիցներ: Անվտանգության ուժերը կաշխատեն ուժեղացված ռեժիմով, արարողությանը նախատեսվում է 900 հազար մարդու մասնակցություն: Որոշ տեղեկություններով, արարողության համար ծախսվել է 100 մլն դոլար:

«Ռոյթերզ»-ը հրապարակել է լուսանկարների շարք, թե ինչպես են պատրաստվում այդ արարողությանը: