Ձեր վստահելի աղբյուրը

Խորհրդարանական ընտրություններից առաջ որևէ դաշինքի մաս կազմելու հնարավորությունն այսօր  ԱԺ պատգամավոր Տիգրան Ուրիխանյանը չբացառեց: Նա ընդգծեց, որևէ քաղաքական ուժի կամ միավորի չի միանա,  քանի դեռ կարևոր հարցերի պատասխանները հստակ չեն ներկայացվել, պետք է տեսնել, թե ովքեր են ու ինչ են անելու, ինչ նպատակներ ունեն, ինչ կառույցներ են ձևավորելու:

Լրագրողների հետ հանդիպմանն ասաց, այս պահին հստակ չգիտի թե ինչ է իրենից ներկայացնում պաշտպանության նախկին նախարար Սեյրան Օհանյանի շուրջ համախմբված դաշինքը, կամ ովքեր են լինելու Գագիկ Ծառուկյանի կողքը:

«Դրական գնահատական ունեմ Սեյրան Օհանյանի անձի շուրջ, բայց իր կողմից նախաձեռնվող քաղաքական ձևաչափի մասին տեղեկություն մինչ օրս ոչ ոք չունի: Կա անձ, թե ինչ քաղաքական կուրս է վարելու, ինչ դրույթներ է հռչակելու, ում հետ է գնալու, սրանք բոլորը հարցեր են: Ծառուկյանի մասին եթե խոսենք, կներեք, ես այն անձը չեմ, որ հեռացել եմ, որպեսզի հիմա միանամ: Դաշինքի մասով, ախր ոչ ոք չգիտի»,-ասաց նա:

Ուրիխանյանն ասաց, որ ԵԼՔ դաշինքի մաս կազմող երկու կուսակցությունների ներկայացուցիչների հետ ունեցել է զրույցներ, առաջարկել է քաղաքական աջակցություն: Սակայն այդ զրույցները չեն շարունակվել. «Թե ինչու են դադարել զրույցները, հարցը, հավանաբար, իրենց է պետք ուղղել»:

Մանրամասները՝ տեսանյութում: