Ձեր վստահելի աղբյուրը

Հայաստանում չեն պատրաստվում անցում կատարել գիտական մեկ աստիճանի: Շատ երկրներ պահպանում են գիտական առաջին և երկրորդ աստիճանները: Լրագրողների հետ հանդիպմանը ներկայացրեց ԿԳՆ բարձրագույն որակավորման հանձնաժողովի փոխնախագահ Ատոմ Մխիթարյանը: Նրա խոսքով, այդ երկրների հետ Հայաստանը համաձայնագրեր ունի գիտական աստիճանների փոխչանաչման մասին:

Հոգեբանական գիտությունների դոկտոր, պրոֆեսոր Սամվել Խուդոյանը նշեց, որ գիտական աստիճանների համակարգում փոփոխությունների հարցը քննարկվում է շատ երկրներում, օրինակ, Վրաստանն արդեն անցում է կատարել մեկ գիտական աստիճանի:

«Երկրորդ գիտական աստիճանն ավելի կարևոր է, նպատակն էլ ֆունդամենտալ ու խոր հետազոտությունների անցկացումն է: Այն երկրները, որոնք անցել են մեկ աստիճանի, դժգոհում են, որ ֆունդամենտալ գիտությունն անկում է ապրում: Դոկտորականի համար մարդը կարող է տասնյակ տարիներ աշխատել և ունենալ խոշոր տեսություն»,-ասաց նա:

Խուդոյանը նշեց, որ Հայաստանում գիտական ատենախոսությունների որակը սարսափելի ցածր է:

«Շատ դոկտորականներ թեկնածուականներից շատ ավելի վատ մակարդակ ունեն, ուղղակի ավելի շատ  ծանոթ-բարեկամով են,  ինչ-որ պաշտոնների հասնելու համար: Այս տեսակետից մենք լուրջ խնդիրներ ունենք»,-ասաց Խուդոյանը:

Մանրամասները՝ տեսանյութում: