Այսօրվա զինվորը լիարժեք փոխարինեց ավագ սերնդին. Մովսես Հակոբյան
«Ապրիլյան գործողությունները Հայաստանի Զինված ուժերի համար ևս մեկ քննություն էին, որտեղ մեր բանակն իր առաքելությունը կատարեց պատշաճ կերպով՝ ևս մեկ անգամ ապացուցելով, որ ի վիճակ է և կարող է ապահովել մեր ժողովրդի անվտանգությունը»,- նախագահական նստավայրում Հայոց բանակի 25-ամյակին նվիրված պարգևատրման արարողության ժամանակ լրագրողների հետ զրույցում ասաց ՀՀ ԶՈւ գլխավոր շտաբի պետ, գեներալ-լեյտենանտ Մովսես Հակոբյանը:
Նրա գնահատմամբ, 25-ամյա հայոց բանակի ամենամեծ հաջողությունն այն է, որ այսօրվա զինվորը լիարժեք փոխարինեց ավագ սերնդին, ինչն ապրիլյան գործողություններ ժամանակ ապացուցվեց:
ՀՀ ԶՈւ գլխավոր շտաբի պետը չցանակացավ խոսել բանակի թերությունների, թույլ կողմերի մասին՝ նշելով, որ բանակի թերացումներն որպես այդպիսին գաղտնի են, քանի որ հակառակորդը հետախուզում է և իմանում թույլ և ուժեղ կողմեր:
Ինչ վերաբերում է հակառակորդի կողմից հրադադարի ռեժիմի խախտման դեպքերին, Մ. Հակոբյանն ասաց, որ վերլուծել են 2016 թվականի արդյունքները և եթե քառօրյա պատերազմի գործողությունները հանեն, ապա ընդհանուր առմամբ 2-3 անգամ նվազել են հրադադարի ռեժիմի խախտման դեպքերը. «Սա ոչ թե Ադրբեջանի զինված ուժերի բարի կամքի արտահայտությունն է, այլ մեր բանակի կողմից կատարված համապատասխան միջոցառումները, որոնք կանխում են այդպիսի սադրանքները»:
Դիտարկմանը, թե վերջերս ձեր հարցազրույցներից մեկում ասել էիք, որ բոլորը, ովքեր փորձեն նոր պատերազմ սկսել, պետք է իմանան` իրենց համար նախատեսված է հրթիռ, որը 15 մետր ճշգրտությամբ իրենց կհայտնաբերի ու կխոցի, ինչից հետո Ադրբեջանն արձագանքել էր, որ իրենք էլ նույնը կանեն, ՀՀ ԶՈւ գլխավոր շտաբի պետն ասաց. «Իրենց իրավունքն է, բայց Հայաստանը երբեք չի հայտարարել, որ պատրաստվում է պատերազմի: Չենք պատրաստվում առաջինը պատերազմ սանձազերծել: Մենք ունենք այն հնարավորությունը, որ ցանկացած թիրախ, որն անհրաժեշտ լինի խոցել Ադրբեջանի տարածքում, իրականացնել 15 մետր ճշգրտությամբ: Մեր հնարավորությունները բավարար են մեր երկրի, ժողովրդի անվտանգությունն ապահովելու համար»:
Միաժամանակ նա նշեց, որ որպես զինվորական ամեն րոպե ամեն ժամ սպասում է պատերազմի:
«Մեր գորոծղությունները ուղղված են դրան ՝ պատրաստվել պատերազմին, դրանով իսկ կանխել պատերազմի վերսկսումը»,-ընդգծեց Մ. Հակոբյանը
Լրահոս
Տեսանյութեր
Դուք մասնակից եք դարձել պետականության կործանմանը. Բագրատ Սրբազանը՝ ՔՊ-ականներին
