Ձեր վստահելի աղբյուրը

Այսօր «Եռաբլուր» պանթեոնում պաշտպանության նախկին նախարար Սեյրան Օհանյանից լրագրողները հետարքրվել են, թե ինչպե՞ս է մեկնաբանում ՀՀ նախագահ Սերժ Սարգսյանի հայտարարության այն հատվածը, որտեղ այլաբանորեն ակնարկ է արվում թիմից հեռացածներին՝ մանսավորապես, Սեյրան Օհանյանին, Հովիկ Աբրահամյանին։

«Ես ոչինչ չեմ կարող ասել, որովհետև ես անձնական դաշտերից դուրս եմ աշխատում և աշխատում եմ բացարձակապես իմ մտածելակերպով, իմ նպատակների համար», - ի պատասխան ասաց Օհանյանը։

Հիշեցնենք՝ ՀՀԿ խորհրդի նիստում Սերժ Սարգսյանն ասել էր. «Գիտեք՝ մայր գետերը, առաջընթաց են ապահովում իրենց հոսքի ողջ երկայնքով, կյանք են տալիս, հաց են տալիս, ջուր են տալիս, և այն առվակները, որոնք պոկվում են մայր գետից և կարճ ժամանակում նորից չեն մտնում նույն հոսքի մեջ, չորանում ու գնում են: Սա՛ է բնության օրենքը, և որևէ մեկը մեզնից չի կարող հակադրվել բնության օրենքներին, մենք կարող ենք փորձել կառավարել, կարգավորել, բայց, ըստ էության, այսպես է լինելու»: