Ապօրինի հարստացման հանցակազմը կօգնի խոշոր ձկներին բռնել գլխից. Կարեն Զադոյան
Հայաստանի իրավաբանների հայկական ասոցիացիայի նախագահ Կարեն Զադոյանը կարծում է, որ կոռուպցիայի հետ կապված խնդիրները երկու մակարդակում են՝ հանրային սեկտորում կամ հենց նույն վարչական կոռուպցիան և քաղաքական կոռուպցիան։
Երկրորդ մակարդակը, Զադոյանի խոսքով, շատ վտանգավոր է ու սպառնալիք ազգային անվտանգությանը։
Այսօր «Կանգնեցնենք կոռուպցիան» տեղեկատվական արշավի պաշտոնական մեկնարկի ժամանակ Զադոյանը հայտարարեց, որ հանրային սեկտորում կոռուպցիան վերացնելու համար պետք է կարգավորել իրավական ակտերը, նվազեցնել քաղաքացիների շփումը պաշտոնյաների, հանրային ծառայողների հետ, պարզեցնել ընթացակարգերը։
«Արդյոք կա՞ քաղաքական կամք Հայաստանում վերացնել վարչական կոռուպցիան։ Ես պետք է ասեմ, որ քաղհասարակության կազմակերպությունների կողմից վերջին 2-3 տարիների աշխատանքները արդյունք են տվել և այսօր համապատասխան կամքը ձևավորվում է կառավարության կողմից, և ես վստահ եմ, որ հետևողական աշխատանքի շնորհիվ հնարավոր կլինի սա մինչև վերջ տանել», -ներկայացրեց Զադոյանը՝ վստահեցնելով, որ քաղաքացին առաջիկա տարիների ընթացքում լուրջ փոփոխություն կզգա։
Զադոյանի խոսքով, Հայաստանը ոչնչով չի զիջում Վրաստանին և կան նախադրյալներ կոռուպցիայի դեմ պայքարում հաջողություններ գրանցելու համար։
Ինչ վերաբերում է քաղաքացիական կոռուպցիայի դեմ պայքարին, ապա Իրավաբանների հայկական ասոցիացիայի նախագահն ասաց, որ այս ոլորտում «լուրջ մեխանիզմներ» պետք է ներդրվեն։ Այդ ուղղությամբ Զադոյանին ու նրա աջակիցներին հաջողվել է զգալի փոփոխություն գրանցել.
«Ապրիլյան պատերազմը ցույց տվեց, որ կոռուպցիան ստանում է արյան տեսք, բոլորի մոտ այդ կարևորությունը արթնացավ, և ապրիլյան պատերազմից հետո շատ ավելի առարկայական դարձավ քաղաքացիական հասարակության ու կառավարության համագործակցությունը»։
Իսկ որպես համագործակցության արդյունք, Զադոյանը մատնանշեց ապօրինի հարստացման քրեականացումը, որը սպիտակ գիծն էր և որին շատերն էին սպասում։
«Կառավարության անդամների հետ մի խորհրդակցության ժամանակ հանրապետության նախագահը հայտարարեց, որ խոշոր ձկներին պետք է գլխից բռնել։ Մենք կարծում ենք, որ ապօրինի հարստացման հանցակազմը այն օգնությունն է մեր իշխանություններին, որը հնարավորություն կտա խոշոր ձկներին բռնել գլխից», -հայտարարեց Զադոյանը։
Նա նաև նշեց, որ ստեղծվելու է հարթակ, որտեղ քաղաքացիները կարող են անանուն հայտարարություն տալ կոռուպցիոն հանցագործությունների մասին՝ չբացահայտելով իրենց ինքնությունը։ Այդ պարագայում, իրավապահ մարմինը ապահովելով հետադարձ կապ ահազանգողի հետ չի կարող իմանալ, թե ով է հաղորդումը տվող անձը։
Կոռուպցիայի դեմ պայքարի ճանապարհին, ըստ Զադոյանի, ներդրվելու է նաև հակակոռուպցիոն մասնագիտական մարմին։
«Մենք այդ մարմնի երկու մոդել ենք առաջարկել. Ունիվերսալ՝ կրթում, կանխարգելում և պատժի իրականացում, իսկ երկրորդ մոդելը առաջարկվում է, որ ունենա կրթական ու կանխարգելիչ գործառույթներ և կարող է լինել առանձին իրավապահ մարմին, որի համար որպես բազա կարծում եմ, կարող է ծառայել Հատուկ Քննչական ծառայությունը, որը կկարողանա քննել քրեական գործերը», -ներկայացրեց Զադոյանը։
Նա նաև նշեց, որ ստեղծվելու է հարթակ, որտեղ քաղաքացիները կարող են անանուն հայտարարություն տալ կոռուպցիոն հանցագործությունների մասին՝ չբացահայկտելով իրենց ինքնությունը։ Այդ պարագայում, իրավապահ մարմինը ապահովելով հետադարձ կապ ահազանգողի հետ չի կարող իմանալ, թե ով է հաղորդումը տվող անձը։
Կոռուպցիայի դեմ պայքարի ճանապարհին, ըստ Զադոյանի, ներդրվելու է նաև հակակոռուպցիոն մասնագիտական մարմին։
«Մենք այդ մարմնի երկու մոդել ենք առաջարկել. Ունիվերսալ՝ կրթում, կանխարգելում և պատժի իրականացում, իսկ երկրորդ մոդելը առաջարկվում է, որ ունենա կրթական ու կանխարգելիչ գործառույթներ և կարող է լինել առանձին իրավապահ մարմին, որի համար որպես բազա կարծում եմ, կարող է ծառայել Հատուկ Քննչական ծառայությունը, որտեղ կկարողանան քննել քրեական գործերը», -ներկայացրեց Զադոյանը։
Նախանշված ծրագրերի կատարման արդյունքում, Զադոյանի խոսքով, քաղաքացին պետք է զգա փոփոխություններն իր մաշկի վրա, իսկ երկնագույն էկրաններից գեղեցիկ ճառերը ոչ մի փոփոխություն չեն կարող տալ և պետք է աշխատել։
«Ամբողջ աշխարհը կոռուպցիայի դեմ հաղթահարումը տեսնում է եռաչափ մոտեցմամբ՝ կրթություն, որի շրջանակներում պետք է ստեղծել անհանդուրժողականություն կոռուպցիա երևույթի նկատմամբ և դա պետք է լինի այնպես անհանդուրժելի, զարհուրելի, ինչպես Հայաստանում կարող է դիտվել մանկապղծությունը։ Այդպիսի հանցագործություն պետք է դառնա կոռուպցիան, որ հասարակությունը չհանդուրժի կոռուպցիոներներին», -ասաց Զադոյանը։
Նշենք, որ «Կանգնեցնենք կոռուպցիան» տեղեկատվական արշավը մշակվել է Հայաստանի կառավարության, կոռուպցիայի դեմ պայքարում փորձագետների, քաղաքացիական հասարակության և մասնավոր հատվածի ներկայացուցիչների հետ համագործակցությամբ:
Այսօրվա հանդիպման ժամանակ ներկայացվեց Հայաստանում ԵՄ պատվիրակության աջակցությամբ պատրաստված «Կանգնեցնենք կոռուպցիան» անիմացիոն ֆիլմը, որի միջոցով Հայաստանի համար կոչ է արվում զերծ մնալ օլիգոպոլիայից, շահերի բախումից, ապօրինի հարստացումից, ընտրողների ձայների գնելուց: Իսկ կոռուպցիայից զերծ երկրի համար ԵՄ-ն հետևյալ տեսլականն է ներկայացնում՝ աշխատանք, կյանք, ապագա:
Լրահոս
Տեսանյութեր
Թալանում ու թալանում են , խաբելով, ստով ո՞ւմ փորն է կշտանում. Քաղաքացիները՝ թանկացումների մասին
