Ձեր վստահելի աղբյուրը

«Անկեղծ կլինեմ, մենք մարդու իրավունքների ոլորտում անհագստության տեղիք տվող միտումներ ենք նկատել»: Լրագրողների հետ հանդիպմանը հայտարարեց Հայաստանում ԱՄՆ դեսպան Ռիչարդ Միլսը:

Մինչ մտահոգություններին անցնելը, դեսպանը կարևորեց, որ Հայաստանը կարողացել է ապահովել մարդկանց թրաֆիքինգի դեմ պայքարում իր առաջատար դիրքը, ինչը մեծամասամբ պայմանավորված է միջգերատեսչական աշխատանքային խմբի գործունեությամբ:

«Սա, իրոք, օրինակելի նմուշ է կառավարության ու քաղաքացիական հասարակության համատեղ աշխատանքի: Բայց եթե կառավարությունը ցանկանում է թրաֆիքինգի դեմ պայքարի ջանքերն արժանվույնս գնահատվեն և շարունակի առաջատար լինել, կառավարությունը պետք է անհապաղ վերականգնի  աշխատանքային տեսչության գործունեությունը, հակառակ դեպքում շատ դժվար է  բացահայտել ու պարզել աշխատանքային թրաֆիքինգի դեպքերը, հատկապես երեխաների դեպքում»,-ասաց նա:

Դեսպանն այս ոլորում մեծ առաջընթաց է համարում ՀԿ-ների մասին օրենքի ընդունումը, կարծում է, որ դա կօգնի, որ կազմակերպությունները ֆինանսապես անկախ լինեն ու կայուն լինեն:
Դեսպանը տպավորվածէ  նաև ՊՆ-ի նախաձեռնությամբ ստեղծված մարդու իրավունքների ու բարեվարքության կենտրոնի, թեժ գծի ստեղծմամբ:

«Վերջին 15 ամիսներին նաև անհանգստության տեղիք տվող զարգացումներ են եղել: 2015-ին սահմանադրական փոփոխությունների հանրաքվեի հետ կապված. Դեսպանատան համար շատ ցավալի էր ընտրակեղծիքների մասին հաղորդումները, որոնք ներկայացվեցին դիտորդների, լրատվամիջոցների կողմից»,-ասաց դիվանագետն ու հիշեցրեց, որ դեսպանատունը կոչ էր արել թափանցիկ կերպով հետաքննություն անցկացնել  բոլոր հաղորդումների վերաբերյալ, խախտումներ թույլ տված բոլոր անձանց պատժել:  

Հիշեցրեց, հանրաքվեից հետո դեսապանատունը հրապարակավ հայտարարեց, որ այն մարդիկ, ովքեր կեղծքիներ են թույլ տվել կամ միջամտել են , չեն կարողանա մասնակցել դեսպանատան ծրագրերին: Դեսպանն այսօր անուններ չհրապարակեց, բայց ասաց, որ որոշմանը հետամուտ են եղել: